18 Qyrkúıek, 21:32 487 0 Jańalyqtar Asyl TUMAR

Elbasy Aqtaýda halyqaralyq týrıstik habtyń tusaýkeserine qatysty

Qazaqstannyń Tuńǵysh Prezıdenti Nursultan Nazarbaev Mańǵystaý oblysyna jumys saparymen bardy. Elbasy Aqtaý qalasynda halyqaralyq týrıstik habtyń tusaýkeserine qatysty.

Týrıstik habty damytý jobasy Kaspıı teńizi jaǵalaýyn qamtymaq.
N.Nazarbaev otandyq týrızm salasyn órkendetýdiń mańyzdylyǵyna toqtala kele, Qazaqstan biregeı tabıǵatqa, sonymen qatar tarıhı-mádenı mańyzdaǵy kıeli oryndarǵa, Uly Jibek jolynyń nysandaryna, qundy arheologııalyq eskertkishterge ıe ekenin atap ótti.

Bul elimizde uıymdasqan demalystyń kez kelgen túrin órge bastyrýǵa múmkindik beredi.

– Týrızmdi damytý memlekettik baǵdarlamasy aıasynda týrıstik áleýetke taldaý júrgizildi jáne barynsha kórnekti nysandar men mańyzdy óńirler anyqtaldy. Olardy irikteý kezinde saıahatshylar úshin «magnıt» qyzmetin atqarar áleýeti basty shart boldy. Osy baǵyttaǵy jetekshi óńirler qataryna Alakól, Balqash kólderi, ýchınsk-Býrabaı kýrorttyq aımaǵy, Túrkistan qalasy jáne basqasy qatarynda Mańǵystaý da kirip otyr, – dedi Tuńǵysh Prezıdent.

Kaspıı teńizi jaǵasynda memleketimizde tuńǵysh ret «barlyǵy qosylǵan» konepııasy negizinde otbasylyq demalysqa arnalǵan qonaqúı keshenin turǵyzǵan sheteldik ınvestordyń kelýi – osy óńirdegi eleýli oqıǵaǵa aınaldy.
Rixos qonaqúıler jelisiniń basqarma tóraǵasy F.Tamındje Rixos Water World Aktau atty lıýks synybyndaǵy bes juldyzdy kýrorttyq oteldi damytý jobasyn tanystyrdy. Sondaı-aq qazaqstandyq jáne sheteldik ınvestorlardy tartý arqyly týrıstik klasterdi ary qaraı keńeıtýdiń perspektıvasy týraly áńgimeledi.

Elbasynyń baılamynsha, bul – Kaspııde keń aýqymdy halyqaralyq týrıstik habty qurý jolynda jasalǵan tek birinshi qadam. Onda endi qazaqstandyqtar da, sonymen birge sheteldik qonaqtar da joǵary dárejede demala alady.

Buǵan qosa, N.Nazarbaev teńiz jaǵalaýyndaǵy kýrorttyq aımaǵymyz jańa jumys oryndaryn ashatynyna basa mán berdi. Is-shara barysynda óńirde osy klasterdi damytý shamamen 50 myń jumys ornyn qurýǵa, sondaı-aq jobany júzege asyrýǵa shamamen 2 mıllıard dollar tartýǵa múmkindik beretinine ekpin túsirildi.

– Táýelsizdik jyldary kóp is tyndyrdyq. Buryn álem bilmegen Qazaqstan búginde dúnıejúzi kartasynda laıyqty oryn aldy. Biz jańa astanany turǵyzdyq. Ol ózge óńirler men oblys ortalyqtarynyń órkendeýine baǵdar berip keledi. Men alda barsha musylman úshin kıeli meken – Túrkistan qalasyna saparlaýdy josparlap otyrmyn. Qazaq handyǵynyń osy baıyrǵy astanasy sońǵy ýaqytta keremet túrlendi jáne qazir úlken týrıstik áleýetke ıe, – dedi Qazaqstannyń Tuńǵysh Prezıdenti.

Ol týrızmdi nysanaly túrde órkendetýge baǵyttalǵan naqty qadamdar tek jekelegen óńirlerdiń ǵana emes, sondaı-aq tutastaı alǵanda búkil respýblıkanyń ekonomıkasyna zor tıimdilik, ońdy serpin beretinine nazar aýdartty.

Tusaýkeser sońynda Elbasy Rixos Water World Aktau qonaqúı keshenin aralap kórdi.

Is-sharaǵa onlaın-konferenııa formatynda birqatar otandyq jáne sheteldik ınvestorlar qatysty. Olardyń arasynda ACCOR kompanııasynyń Eýropa, Taıaý Shyǵys jáne Afrıka óńirinde lıýks synypty otelderdi damytý jónindegi birinshi vıe-prezıdenti F.Boden, ÖG Holding basqarma tóraǵasy O.Gıýr, otandyq BI Group qurylys holdınginiń dırektorlar keńesiniń tóraǵasy A.Raqymbaev, «Bazıs-A» korporaııasynyń dırektorlar keńesiniń tóraǵasy A.Belovıch boldy.

Sońǵy jańalyqtar