18 Qyrkúıek, 18:15 457 0 Jańalyqtar Dilda ÝÁLIBEK

«Jahandyq jańalyq» konferenııasy ótti

Búgin, 18 qyrkúıek kúni Halyqaralyq Túrki akademııasynyń uıymdastyrýymen jáne Qazaqstan Respýblıkasynyń Ulttyq akademııalyq kitaphanasynyń qoldaýymen ǵalamdyq, ıaǵnı máńgi, turaqty kúntizbege arnalǵan «Jahandyq jańalyq» atty konferenııa  ótti. 

Alqaly jıynǵa Halyqaralyq Túrki akademııasynyń prezıdenti, QR UǴA akademıgi, tarıh ǵylymdarynyń doktory Darhan Qydyráli, Qazaqstannyń eńbek sińirgen qaıratkeri, Halyqaralyq Joǵary Mektep ǵylym akademııasynyń akademıgi, fılologııa ǵylymdarynyń doktory, professor Ádil Ahmetov, Halyqaralyq Akmeologııa ǵylym akademııasynyń  akademıgi, halyqaralyq Platon syılyǵynyń ıegeri Saılybaı Bekbolatov, memleket jáne qoǵam qaıratkerleri, ǵalymdar, zııaly qaýym ókilderi qatysty.

Basqosýǵa belgili ǵalym Saılybaı Bekbolatovtyń ǵalamdyq  kúntizbege qatysty tujyrymdary men usynystary arqaý boldy. Ǵalymdar máńgi turaqty kúntizbe týraly baıandama jasap, ejelgi túrkilik tanymnan bastaý alǵan 13 aı/28 kúndik máńgi turaqty kúntizbeniń adamzatqa beretin taǵylymy jaıynda  paıymdy pikirlerimen bólisti.

Aıta keteıik, bıyl jańa kúntizbeni oılap tapqan ǵalym S.Bekbolatovtyń Ońtústik Afrıka memleketinde aǵylshyn tilinde jaryq kórgen «Unified, Constant Calender» («Máńgi turaqty kúntizbe») atty monografııasy ǵylymı jańalyq retinde Batys elderine keń taralyp, Google ǵalamtor júıesine resmı tirkeldi. Turaqty, máńgi kúntizbeniń elektrondyq nusqasy jasaqtalyp, ol da Google talaptaryna sáıkes tirkelip, resmı aınalymǵa engizildi.

Osylaısha qazaq ǵalymy Saılybaı Bekbolatov astronomııa, jaratylystaný, matematıka jáne ıadrolyq fızıka sekildi irgeli ǵylymdarmen qatar Kıeli kitaptarda turǵan baǵaly derekkózderdi  utymdy paıdalana otyryp, ǵasyr jumbaǵyn sheship, jahandyq deńgeıde iri jańalyq ashty.

Bul oraıda Maııa órkenıetindegi sáýegeılik pen kúntizbeler júıesiniń ǵylymı negizderin shırek ǵasyr boıy zerttegen ǵalym, Qazaqstannyń eńbek sińirgen qaıratkeri, fılologııa ǵylymdarynyń doktory Ádil Ahmetov qol jetkizgen nátıjeleri de ózimen áriptes ǵalym Saılybaı Bekbolatov zertteýleriniń negizssiz emes ekenin dáleldedi.

Sońǵy jańalyqtar