18 Qyrkúıek, 10:35 1006 0 Jańalyqtar Asyl TUMAR

«5-10-20» turǵyn úı baǵdarlamasy boıynsha nesıe berý bastaldy

Sýret ashyq derekkózden alyndy
Sýret ashyq derekkózden alyndy

«Nurly jer» memlekettik baǵdarlamasynyń jańa baǵyttarynyń biri – «Shańyraq» pılottyq jobasyn Turǵyn úı qurylys jınaq banki («Báıterek» holdınginiń enshiles uıymy) júzege asyrady.

Turǵyn úı qurylys jınaq bankiniń Basqarma tóraǵasy Lázzat Ibragımova: «Jyldyq mólsherlemesi 5 paıyzǵa teń (JTSM 5,2%), jeńildetilgen zaemdy alý úshin, baǵdarlama qatysýshylary ákimdik kezeginde turýy qajet. Sondaı-aq Turǵyn úı qurylys jınaq bankindegi shottaryna zaım mólsheriniń 10 paıyzynan kem túspeıtin somany bastapqy jarna retinde jınaýy qajet. Nesıelendirý merzimi 20 jylǵa deıin», – dep atap ótti.

«Shańyraq» jobasynyń aıasynda jeńildetilgen nesıeni birinshi kezeńde baspanaǵa muqtaj jan retinde 1986 jyldan bastap 2015 jylǵa deıingi merzimdi qosa alǵanda ákimdik kezegine turǵan Qazaqstan Respýblıkasynyń azamattary ala alady. Ótinishterdi qabyldaý merzimi aıaqtalǵannan keıin, banktiń «Shańyraq» jobasyn odan ári nesıelendirýge qajetti qarajaty bolǵan jaǵdaıda, baǵdarlamanyń ekinshi kezeńine ákimshilik kezegine keıingi jyldary turǵan azamattar da shaqyrylýy múmkin.

Sondaı-aq, baǵdarlamaǵa qatysý úshin sońǵy alty aı ishindegi otbasynyń ár múshesine keletin otbasylyq tabystyń bir aılyq kólemi 3,1 kúnkóris mınımýmynan aspaıtyn (2020 jyldyń 1 sáýirinen bastap KM – 32 668 teńgege teń) eńbek jáne (nemese) kásipkerlik qyzmetten túsetin kiristiń (zeınetaqy aýdarymdaryn, jeke tabys salyǵy men basqa da mindetti aýdarymdardy eseptemegende) bolýy talap etiledi. Iaǵnı, 2020 jyly otbasynyń ár múshesine keletin tabys kólemi 101 271 teńgeden aspaýy tıis.

«Shańyraq» baǵdarlamasy boıynsha páter alýǵa bolatyn qurylys kompanııalarynyń tizimin hcsbk.kz saıtynan júktep alýǵa bolady. Ákimdikterde kezekte turǵan azamattardan baǵdarlamaǵa qatysýǵa jáne tólem qabiletin baǵalaýǵa ótinim tek hcsbk.kz saıty arqyly, sonyń ishinde Turǵyn úı qurylys jınaq bankiniń klıentterinen de, áli kúnge deıin Bank klıenti bolmaǵandardan da qabyldanady.

Sońǵy jańalyqtar