19 Qyrkúıek, 13:11 502 0 Jahan Dilda ÝÁLIBEK

Pandemııa daǵdarysy balalardyń nekelesýi men adam saýdasynyń ósýine ákeledi

Koronavırýs pandemııasy Úndistandaǵy ahýaldy odan ári nasharlatqan. Qazirgi kezde indettiń saldarynan bastalǵan daǵdarystan balalar zardap shegip jatyr. Elde balalardyń eńbegi men erte nekelesýi kóbeıdi, - dep habarlaıdy Divya Arya BBC.

IýNISEF uıymynyń  deregi boıynsha jyl saıyn Úndistanda 18 jasqa tolmaǵan 1,5 mıllıonnan astam qyz turmys qurady. Biraq bul - elde zańǵa qaıshy áreket sanalady.

Childline senim telefon jelisi maýsym men shilde aılarynda qyzdardyń erte úılenýine baılanysty apat qońyraýlarynyń ótken jylmen salystyrǵanda 17 paıyzǵa óskenin habarlady.

Mamandardyń aıtýynsha, mektepterdiń jabylyp, kedeılik deńgeıiniń ósýine baılanysty qyzdarynyń tadyryna alańdaǵan ata-analar olardy turmysqa berýge asyqqan. Buǵan toı jasaýdyń shektelýi de biraz áser etken.

Elde sonymen qatar ul balalardyń jumysqa tartylýy ósken. Jasóspirim uldar áke-sheshesi men otbasyn asyraý úshin zaýyttarda jumys isteýge májbúr. Úndistanda balany jumysqa tartý qylmystyq is bolyp sanalady. Biraq sońǵy halyq sanaǵy boıynsha, eldegi 260 mıllıon balasynyń 10 mıllıony - jumys isteıtin balalar.

Sońǵy jańalyqtar