17 Qyrkúıek, 19:20 490 0 Ekonomıka Anar LEPESOVA

Elordada gaz tarıfi bekitildi

Nur-Sultanda gazdyń tarıfi tekshe metrine 45 teńge bolyp belgilendi. Bul jóninde qala ákimi Altaı Kólginov qoǵamdyq keńes múshelerimen kezdesýinde málimdedi. 

"Buǵan deıin gazdyń bir tekshe metriniń baǵasy 60 teńge dep belgilenýi tıis bolǵan. Solaı desek te, ákimdik ortalyq ýákiletti organdarmen birlesip, tarıfti tómendetý jónindegi orasan zor jumystar atqardy. Osylaısha gazdyń tekshe metriniń baǵasy 45 teńgege deıin tómendetildi", – dedi Kólginov.

Qazirgi kezde Nur-Sultandaǵy turǵyn úı alabtaryn gazben qamtamasyz etýde ishki jelilik jumystary júrgizilýde.

Kommýnaldyq mekeme qyzmetkerleri turǵyn úılerge gaz qubyryn júrgizýde

Atap aıtqanda, Óndirisshiler men Kóktal-2-de – 95%, al Kóktal-1 turǵyn alabyndaǵy qurylys jumystary 80 proentke oryndaldy. Sondaı-aq, "Agroqalashyq" pen Ońtústik-shyǵys turǵyn alabyndaǵy jumystar osy shamada júrgizilse, Temirjolshylar kentindegi gaz taratý jelileriniń jospary 100 proent júzege asyryldy.

"Aǵymdaǵy jylytý maýsymynda osy aýdandardaǵy turǵyn úılerdi, sonyń ishinde Agroqalashyqtaǵy keıbir úılerdi gazben jylytýǵa bolady. Ol úshin turǵyndar úılerdi gazǵa qosýdyń tehnıkalyq sharttaryn alý úshin front-keńselerge habarlasýy kerek. Jeke sektor turǵyndaryna eseptegish quraldary ákimdik tarapynan tegin usynylady", – dep atap ótti Kólginov.

Aıta keteıik, bıylǵy jyly JEO-1 men JEO-2-degi birqatar qazandyqtardy gazǵa aýystyrý josparlanyp otyr. Gazdandyrý proesi úsh kezeńge bólinedi. Barlyq turǵyn aýdandar kezeń-kezeńimen qosylady.

 

Sońǵy jańalyqtar