17 Qyrkúıek, 20:37 474 0 Densaýlyq Anar LEPESOVA

Almatyda telemedıına ortalyǵy ashyldy

Budan bylaı almatylyqtar medıınalyq keńesti telemedıına kómegimen ala alady. Bul týraly qalalyq qoǵamdyq densaýlyq saqtaý basqarmasynyń basshysy Kamaljan Nadyrov málimdedi.

Basqarma basshysynyń aıtýynsha, koronavırýstyń ekinshi tolqynyna daıyndyq aıasynda ashylǵan telemedıına ortalyǵynyń mindeti – COVID-19 juqtyrýy yqtımal jáne indetke shaldyqqany rastalǵan naýqastarǵa keńes berý jáne monıtorıng júrgizý.

«Bul COVID-19 vırýsyn emdeý boıynsha biregeı qyzmet bolyp otyr. Ol úshin medıınalyq aqparattyq júıelermen ıntegraııalanatyn baǵdarlama ázirlenýde. Telemedıına ortalyǵynyń dárigeri beınekeńes júrgizedi, naýqastyń jaǵdaıyn baǵalaıdy, em taǵaıyndap, naýqastyń elektrondyq kartasyna ózgerister engizip otyrady. Bul sonymen qatar barlyq COVID-19 jaǵdaılarynyń biryńǵaı elektrondyq bazasy bolady», - deıdi K.Nadyrov.

Jańa ortalyqtyń taǵy bir mańyzdy qyzmeti – naýqastardyń karantın rejımin saqtaýyn baqylaý. Ortalyq qyzmetkerleri ambýlatorııalyq deńgeıde em alyp jatqan naýqastarǵa beıneqońyraý shalyp turady. Úı rejıminiń buzylýy anyqtalǵan jaǵdaıda taýarlar men qyzmetterdiń sapasy men qaýipsizdigin baqylaý komıtetiniń aýmaqtyq departamentine tıisti sıgnal beriledi, odan ári qalalyq bas memlekettik sanıtar dárigeriniń qaýlysyna saı tártip buzýshyǵa aıyppul jazylady. Tártipti óreskel buzýshylar qala emhanalarynyń birine májbúrli túrde jatqyzylady.

Aıta keteıik, pandemııa bastalǵaly Almatyda 14 329 adamnan koronavırýs anyqtaldy. Indet juqtyrǵandardyń 14 myńǵa jýyǵy emdelip shyqty, derti asqynǵan 270 naýqas qaıtys boldy.

Al respýblıka boıynsha indetke shaldyqqandar sany 107 myńnan asty. Qaterli vırýstan 1671 otandasymyz kóz jumdy.

Indetti aýyzdyqtaý úshin álemniń túkpir-túkpirinde vırýsqa qarsy vakınalar ázirlenip jatyr. Sonyń biri – QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynda ázirlengen QazCovid-in ekpesi. Mınıstrlik vakınanyń klınıkalyq synaǵy bastalǵanyn habarlady.

Vakınanyń qaýipsizdigin anyqtaýǵa baǵyttalǵan zertteýdiń I fazasyna koronavırýspen aýyrmaǵan jáne antıdeneleri joq 44 erikti qatysady. Immýnogendilikti zertteýge baǵyttalǵan ekinshi fazada 200 eriktini qatystyrý josparlanǵan.

Sońǵy jańalyqtar