17 Qyrkúıek, 17:08 354 0 Praımerız Anar LEPESOVA

Almatyda praımerız kandıdattary kópbalaly analarǵa jeńildikterdi kóbeıtý máselesin kóterdi

4 kún ishinde «Nur Otan» partııasy Almaty qalalyq fılıaly praımerıziniń 90-ǵa jýyq úmitkeri pikirsaıysqa qatysty.

Búgin partııanyń Bostandyq aýdandyq fılıalynda úmitkerler kópbalaly analardy áleýmettik qoldaýdy kúsheıtý, atap aıtqanda, járdemaqylardy, qosymsha tólemder men jeńildikterdi ulǵaıtý, turǵyn úımen qamtamasyz etý, ana men bala densaýlyǵyn qorǵaý máselelerin talqylady. Sondaı-aq, turmysy tómen otbasylardan shyqqan balalarǵa joǵary bilimniń qoljetimdiligi máseleleri qaraldy.

Ótken pikirtalastarda osy jáne birqatar áleýmettik-ekonomıkalyq máseleler kóterildi.

Esterińizge sala keteıik, pikirtalas 30 qyrkúıekke deıin jalǵasady jáne Almatynyń barlyq aýdandarynda ótedi. Onyń barysynda praımerızge qatysýshylar ózderiniń saılaýaldy baǵdarlamalaryn tanystyryp, áleýmettik jelilerdegi partııanyń aýdandyq fılıaldarynyń resmı akkaýnttarynda tikeleı efırde qoıylǵan opponentter men qalalyqtardyń suraqtaryna jaýap beredi.

«Nur Otan» partııasy Almaty qalalyq fılıalynyń birinshi orynbasary Stanıslav Kankýrovtyń aıtýynsha, búginde Almatyda praımerızge 221 qatysýshy bar, olardyń ishinde shaǵyn jáne orta bıznes, úkimettik emes uıymdar ókilderi, kópbalaly analar, medıına, bilim berý ókilderi jáne basqalar bar.

Sońǵy jańalyqtar