17 Qyrkúıek, 17:39 417 0 Praımerız Araılym Bımendıeva

Praımerız: Túrkistan oblysynda 700-den astam is-shara ótti

Túrkistan oblysy turǵyndarynyń saıası belsendiligi kún sanap artyp keledi. Oǵan dálel retinde 1 144 túrkistandyqtyń «Nur Otan» partııasynyń praımerızine qatysyp jatqanyn mysal retinde aıtsaq ta bolady. 14-16 qyrkúıek aralyǵynda óńirde 75 debat ótkizilip, oǵan 368 kandıdat qatysqan.

Jalpy Túrkistan oblysynda praımerızdiń úgit-nasıhat kezeńi bastalǵaly, ıaǵnı 7-16 qyrkúıek aralyǵynda 724 is-shara uıymdastyrylǵan. Oǵan 15 myńnan astam adam qatysqan. Onyń basym bóligi aýyl turǵyndary. Sondaı-aq 650-den astam is-shara onlaın rejıiminde ótkizilgen. Praımerızge tirkelgen 1 144 úmitkerdiń 1 077-si úgit-nasıhat kezeńine atsalysyp, kezdesýlerge keldi. Bastaýysh partııa uıymdarynda 338 kezdesý ótkizilip, oǵan 10 397 adam qatysty. Esikten – esikke akııasyna 264 kandıdat qatysyp, 1 761 adamdy qamtyǵan.

Taǵy bir aıta keterligi, Túrkistan oblysynda júrip jatqan praımerız kezinde karantındik saqtyq sharalary da erejege saı saqtalýda. Budan bólek, «Praımerız» aqparattyq júıesine 206 silteme, áleýmettik jelilerge praımerız týraly myńnan astam post jarııalanǵan.

Sońǵy jańalyqtar