17 Qyrkúıek, 14:08 408 0 Ádebıet Anar LEPESOVA

Ál-Farabı jaıly úzdik esse baıqaýy jarııalandy

Shyǵarmalar memlekettik jáne orys tilderinde qabyldanady, dep habarlaıdy elorda ákimdiginiń resmı saıty. 

Nur-Sultan qalasynyń din isteri máselelerin zertteý ortalyǵy "Qaıyrymdy qala turǵyndary" taqyrybynda úzdik esse baıqaýynyń bastalǵanyn jarııalady. Shara uly oıshyl Ábý Nasyr ál-Farabıdiń 1150 jyldyǵy qarsańynda ótýde.

Baıqaýǵa elordalyq mektep oqýshylary (8-11 synyptar) jáne joǵary oqý oryndary men kolledj stýdentteri qatysa alady. Qatysý tegin jáne erikti túrde. Jumystar memlekettik jáne orys tilderinde qabyldanady. Mektep oqýshylary úshin esse kólemi keminde 2 bet, al joǵary oqý oryndary men kolledj stýdentteri úshin A4 formatynda kem degende 3 bet.

"Qatysýshylar jumystaryn ózderi tańdaǵan taqyryp boıynsha usyna alady. Mysaly, "Ál-Farabıdiń ómirbaıany", "Uly oıshyldyń rýhanı murasy", "Ál-Farabıdiń ǵylymı jáne shyǵarmashylyq jumystary", "Ál-Farabıdiń álemdik ǵylymǵa qosqan úlesi", "Ál-Farabı ıdeıalarynyń qazirgi qoǵam úshin ózektiligi". Jumystar 17-27 qyrkúıek aralyǵynda qabyldanady", delingen habarlamada.

Jumystardy baǵalaý jáne júldeli oryndardy anyqtaý 27-29 qyrkúıek aralyǵynda, jeńimpazdardy marapattaý jáne syılyqtardy usyný 29-30 qyrkúıek aralyǵynda ótedi dep kútilýde.

Birinshi orynǵa syılyq - noýtbýk, ekinshi orynǵa - planshet, úshinshi orynǵa - smartfon.

 

Sońǵy jańalyqtar