17 Qyrkúıek, 18:45 522 0 Atajurt Baqytbek Qadyr

Úshemniń ata-anasy úısiz júr

Elimizdiń demografııalyq ahýaly rettelýi úshin Qazaqstanda týǵan árbir balanyń ómirge kelýiniń ózi bir qýanyshty mereke bolýy tıis.  Sonymen qatar shetelden elge oralǵan ár qazaq ta sondaı. 

Ótken jylǵy statıstıkalyq máli­met­terge súıensek, Qazaqstan álemde jer kó­leminen 9-orynda, al halyq sany boıyn­sha 64-oryn alady. Halyq tyǵyz­dyǵy jóninen elimiz BUU moıyndaǵan 195 táýelsiz memleket tiziminde 184-oryn­da tur. Qazaqstandaǵy halyq­tyń ortasha tyǵyzdyǵy 1 km²-ge nebary – 5,8 adam, al álemde 1 sharshy km-ge 56 adamnan keledi. Reseıde – 8,6 adam, Qytaıda – 145 adam, Ózbekstanda – 73 adam (Ándıjan oblysynda – 1 sharshy km-ge 700 adam). Son­dyqtan da elimiz úshin jan sany qashanda mańyzdy. Bul rette Prezıdent Qasym-Jomart Toqaev halyqqa arnaǵan Joldaýynda elimizdiń týý kórsetkishteriniń kóńil kónshitpeı otyrǵanyn aıtqan bolatyn. Osyǵan oraı, shetelden kóship kelgen qandasymyz kópbalaly otbasy Erjan Baqyttyń shańyraǵyndaǵy jaǵ­daıdy qysqasha baıandaı keteıik.

Erjan Baqyt – 1992 jyly 3 jasynda Mońǵolııa elinen tarıhı Otany Qa­zaq­stanǵa kóship kelgen. Qazaq elinde bilim alyp, otbasyn qurap, táýelsiz eldiń aza­maty atandy. 2011 jyly Alma Alda­nyshqyzymen úılenip, otaý kótergen. Qazir Erjan men Almanyń Aqmaral, Aqbota, Aıarý esimdi súıkimdi úsh qyzy bar. Úsh qyzdan keıin bıyl ómirge bul shańyraqqa úshem dúnıege keldi. Úshemder bıyl 28 shildede dúnıege kelgen. Esimderi Aıtýǵan, Kúntýǵan jáne Nurtýǵan. Erjan men Almanyń shańyraǵy shattyqqa bóledi. Árıne, bul bir otbasynyń ǵana je­ke qýanyshymy bolǵanymen, sırek kezdesetin oqıǵa.

Sonaý Mońǵolııa elinen kóship kelgen qandasymyz bul kúnde alty balasyn arqalap páterden páter jaǵalap júr­genin de jasyrmady. Olar ul-qyzdaryn tárbıelep ósirý úshin bir baspana bolsa degen tilegin de aıtty. Qandastardyń endigi úkili úmiti Nur-Sultan qalasynyń ákimdiginde ekenin aıtady.

 

Sońǵy jańalyqtar