17 Qyrkúıek, 09:42 415 0 Praımerız Anar LEPESOVA

Praımerız: Qostanaıda 164 pikirsaıys ótkiziledi

Qostanaı qalasynan praımerızge qatysýshylardyń ekinshi legi aıasynda Jastar saraıy qabyrǵasynda qoǵamdyq pikirtalastar ótti.

Oblysta partııaishilik irikteýdiń úgit kezeńinde 164 pikirsaıys ótkizý josparlanǵan. Praımerızge qatysýshylardyń jalpy sany - 833 adam. Olardyń barlyǵyna qoǵamdyq pikirsaıysqa qatysýǵa ruqsat etildi.

Alǵashqy jaryssóz 14 qyrkúıekte oblys ortalyǵynda ótti. Pikirsaıys eki raýndta ótedi: birinshi raýndta úmitkerler ózderiniń saılaý aldyndaǵy baǵdarlamalarymen tanystyrady, al ekinshi raýndta «suraq-jaýap» sessııasyna qatysady.⠀

⠀«Qatysýshylardyń árqaısysynyń óz saılaýaldy baǵdarlamasy daıyn. Úgit-nasıhat jumystarynyń barysy týraly olar uıymdastyrý komıtetine habardar etedi, materıaldardy www.primaries.kz saıtta nemese arnaıy mobıldi qosymshada ornalastyrady. Olarmen kez kelgen partııa múshesi tanysa alady. Qazirgi tańda bizdiń qatysýshylar ártúrli qaýym ókilderimen kezdesý ótkizýde,sondaı-aq oblystyq fılıaldń áleýmettik jelilerindegi paraqshada tikeleı efırde kórsetiletin qoǵamdyq pikirtalasqa da qatysýda. », - dep túsindirdi partııanyń  Qostanaı qalalyq fılıaly tóraǵasynyń birinshi orynbasary Ǵazız Ahmetchın.⠀

Aıta keteıik, pikirsaıys ár úmitker úshin, úgit-nasıhat jumystarynyń mindetti sharty. Pikirsaıys onlaın daýys berý bastalardan bir kún buryn – 30 qyrkúıekte aıaqtalady.

 

 

Sońǵy jańalyqtar