16 Qyrkúıek, 19:17 457 0 Jańalyqtar Asyl TUMAR

Elimizde kıber-shabýyldan qorǵanýǵa múmkindik beretin alań quryldy

Sýret ǵalamtordan alyndy
Sýret ǵalamtordan alyndy

OnlineMektep bilim berý platformasy men ZOOM júıesiniń ıntegraııasy jasyryn kıber-buzaqylardyń shabýyldarynan qorǵanýǵa jáne portal qoldanýshylarynyń tanymal halyqaralyq vıdeo-konferenııa qyzmetin tegin paıdalanýyna múmkindik beredi. Bul týraly karantın jaǵdaıynda elimizdegi mektepterde qashyqtan oqytýdy uıymdastyrý máseleleri jóninde Ortalyq kommýnıkaııalar qyzmetinde ótken baspasóz-konferenııasynda aıtyldy.

Bárimizge belgili, kóktemde COVID-19 pandemııasynyń taralýyna baılanysty qazaqstandyq mektepter jappaı qashyqtan oqytý júıesine kóshti. Muǵalimder men oqýshylar oqý jylynyń IV toqsanyn qashyqtan oqyp, kópshiligi jańa oqý jylyn da osy formatta jalǵastyryp jatyr. Biraq eriksiz mindettelgen qashyqtan oqytý formaty týraly negizsiz pikirler qalyptasyp, túrli qıyndyqtar týyndady. Qashyqtan oqytý júıesiniń jumysy qalaı júredi jáne ony kimder uıymdastyrady? Kontent pen oqytý ádistemesiniń qandaı túrleri qoldanylady? Kıber-buzaqylardyń shabýyldarynan qorǵanýdyń joldary qandaı?

Qashyqtan oqytýdy uıymdastyrý jáne onyń ádistemelik ári tehnıkalyq erekshelikteri tóńireginde osy jáne ózge de suraqtarǵa qazaqstandyq pedagogtar men oqýshylar arasynda keń qoldanysqa ıe OnlineMektep.org bilim berý platformasynyń mamandary jaýap berdi. Brıfıngke túrli platforma men jańa tehnologııalyq quraldardy belsendi paıdalanyp júrgen elorda men ózge aımaqtardaǵy mektep muǵalimderi qatysty.

Baspasóz jıynyna qatysýshylar OnlineMektep.org platformasynda ár synypqa jeke sabaq kestesin qurý, arnaıy daıyndalǵan kontent kómegimen oqytýdyń tıimdi joldaryn uıymdastyrý, beıne-sabaqtar ótkizý, oǵan qosa, úı tapsyrmasyn berý jáne ony tekserý, muǵalim men oqýshy baılanysyn qamtamasyz etýge qatysty aqparat berip, portal jumysymen tanystyrdy.

Jıyn barysynda joba mamandary OnlineMektep portaly men álemde vıdeo-konferenııa qyzmetin uıymdastyrý boıynsha óte tanymal ZOOM platformasynyń ıntegraııasy jasalyp jatqanyn málimdedi. Mundaı ıntegraııa qazaqstandyq muǵalimder men oqýshylardyń ZOOM múmkindikterin tegin paıdalanyp, sondaı-aq, kıber-buzaqylardyń shabýyldarynan saqtanýyn qamtamasyz etedi.

Bul áleýmettik joba bolǵandyqtan mamandar platforma qyzmetine (jumysyna) qyzyǵýshylyq tanytqan ár adamnyń suraǵyna jaýap berip, pikirin tyńdaýǵa daıyn ekenderin jetkizdi.

Sońǵy jańalyqtar