16 Qyrkúıek, 15:07 431 0 Jahan Araılym Bımendıeva

Izraılde ál-Farabıdiń eskertkish taqtasy ashyldy

Haıfa qalasynda Uly dala fılosofy Ábý Nasyr ál-Farabıdiń týǵanyna 1 150 jyl tolýyna oraı onyń esimimen atalatyn kóshede eskertkish taqtaıshacy ashyldy.

Saltanatty sharada Qazaqstannyń Izraıldegi Elshisi Satybaldy Burshaqov ál-Farabıdiń uly murasy, onyń fılosofııa, medıına, quqyqtaný, psıhologııa, kosmologııa jáne basqa da salalardyń damýyna qosqan úlesi týraly aıta kelip,  eskertkish taqtanyń ashylýy eki el arasyndaǵy mádenı baılanysty odan ári nyǵaıta túsetinin atap ótti.

Haıfa qalasy meriniń orynbasary Lazar Kaplýn óz sózinde ál-Farabı kóshesine ornatylǵan eskertkish taqta qaladaǵy arab jáne evreı kvartaldary túıisken jerde ornalasýynyń ózi mádenıetter birligin bildiretinin jetkizdi.

Ál-Farabı kóshesi 1960 jyly Haıfanyń arab kvartalynda ashylǵan. Ol áıgili Bahaı baqtary men Haıfa óner murajaıyna jaqyn mańyndaǵy tarıhı aýdanda ornalasqan. Onyń uzyndyǵy 1,5 km quraıdy.

Sońǵy jańalyqtar