16 Qyrkúıek, 13:21 1360 0 Jańalyqtar Asyl TUMAR

Qazaqstanda qurastyrylǵan kólikterdiń úzdik bestigi qandaı?

Sýret ashyq derekkózden alyndy
Sýret ashyq derekkózden alyndy

2020 jyldyń segiz aıynda Qazaqstanda 43 798 avtokólik qurastyryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar.

«QazAvtoÓnerkásip» avtokólik salasyndaǵy kásiporyndar odaǵynyń málimetinshe, Qazaqstanda shyǵarylǵan kólikterdiń jalpy quny 318,8 mlrd teńgege baǵalanyp otyr. Onyń ishinde jeńil avtomobıl qurastyrý 46,3 paıyzǵa ósip, 37 436-ǵa jetti. Avtobýs tehnıkasyn shyǵarý (1089 kólik) 39,6 paıyzǵa joǵarylady. Sonymen qatar, júk kólikterin qurastyrý (4248 kólik) 2,6 esege ósken.

Al respýblıka turǵyndary jergilikti óndiristen shyqqan kólikterdi satyp alýǵa 275,2 mlrd teńge jumsaǵan. Bul kórsetkish bir jyl burynǵydan 49,7 paıyzǵa artyq.

Esepti kezeńde Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (11289 kólik), Hyundai (9727), Ravon (4807), KIA (4282) jáne Chevrolet (2214 ) endi. Otandyq kásiporyndar usynatyn markalardyń tiziminde JAC (955 kólik), UAZ (316) ári Skoda (218) bar ekenin atap ótken jón.

Sońǵy jańalyqtar