15 Qyrkúıek, 17:58 447 0 Nur Otan Túrkistan Gazeti

Jasotandyqtar jastar saıasatyn damytý boıynsha jańa baǵdarlama ázirledi

Bul týraly Ortalyq kommýnıkaııalar qyzmeti alańynda ótken saraptamalyq brıfıngte Elnur Beısenbaev habarlady.

«Jas Otan» jastar qanaty tóraǵasynyń aıtýynsha, 5 jylǵa eseptelgen baǵdarlama jobasy «Nur Otan» partııasynyń tóraǵasy Nursultan Nazarbaevtyń tapsyrmasyna sáıkes ázirlendi.

«Baǵdarlama úzdik otandyq sarapshylar men saıasattanýshylardyń qatysýymen, jastar máselesine qatysty halyqaralyq uıymdardyń jáne álemdik úrdister men tájirıbelerdi eskere otyryp daıyndaldy. Baǵdarlamany ázirleý barysynda áleýmettik jeliler, onlaın jáne offlaın kezdesýler men talqylaýlar arqyly 3765 usynys kelip tústi. Sonymen qatar, jaqynda jasotan.kz saıtynda baǵdarlamany iske asyrý jónindegi is-sharalarmen naqty kórsetkishter kórsetilgen 216 jol kartasy jarııalandy», - dedi E.Beısenbaev.

Belsendiler jumystardy ár qazaqstandyq úshin ózekti bes baǵyt boıynsha júrgizedi. Atap aıtqanda, jastardyń azamattyq bastamalaryn qoldaý, bilim berý sapasyn arttyrý, jumyspen qamtý, turǵyn úımen qamtamasyz etý jáne jas qazaqstandyqtardyń bos ýaqytynyń tıimdi ótýine atsalysý.

Sońǵy jańalyqtar