15 Qyrkúıek, 18:52 427 0 Jahan Anar LEPESOVA

Beırýtta taǵy da apat: Jańadan salynyp jatqan saýda kesheni órtendi

Lıvan astanasynda taǵy da tótenshe jaǵdaı boldy. Beırýt ortalyǵynda jańadan salynyp jatqan saýda kesheni otqa orandy.

«Al-Arabııa» telearnasynyń habarlaýynsha, ǵımarat qurylysy ataqty brıtan-ırak sáýletshisi Zaha Hadıdtiń jobasy boıynsha júrgizilip jatqan. Saýda kesheni birneshe jyl boıy salynyp, qurylysy aıaqtalýǵa jaqyn qalǵan kórinedi.

Abyroı bolǵanda órt sóndirýshiler tilsiz jaýdy der kezinde aýyzdyqtap úlgergen. Zardap shekkender týraly aqparat joq.

Eske sala keteıik, 4 tamyzda Beırýttaǵy portta joıqyn jarylys bolyp, 158 adam qaza tapty, 5 myńnan asa adam zardap shekti.

Jarylys kesirinen 250 myńǵa jýyq turǵyn baspanasyz qaldy. Astyq qorynyń 85 proenti joıyldy.  Apat onsyz da ekonomıkalyq daǵdarysty bastan keshirip jatqan memleket úshin úlken soqqy boldy.

Apat saldarynan port joıylyp, san myńdaǵan úı qırap qana qoımaı, úlken krater paıda boldy. Mamandardyń esepteýinshe, onyń tereńdigi 43 metr.

Sońǵy jańalyqtar