15 Qyrkúıek, 15:49 436 0 Mádenıet Anar LEPESOVA

Ashat Maemırov jańa qyzmetke taǵaıyndaldy

Ashat Maemırov elordada ashylǵan Memlekettik mýzykalyq balalar men jasóspirimder teatryna dırektor bolyp taǵaıyndaldy. Bul týraly teatrdyń baspasóz qyzmeti habarlady.

Ashat Maksımuly Maemırov - elimizge tanymal teatr rejısseri, Qazaqstannyń eńbek sińirgen qaıratkeri, ónertaný PhD doktory, professor, «Bolashaq» halyqaralyq stıpendııasynyń túlegi.

A.S.Pýshkın atyndaǵy Oral pedagogıkalyq ınstıtýtynyń fılologııa fakýltetin jáne T.Júrgenov atyndaǵy Qazaq ulttyq óner akademııasyn teatr rejısseri mamandyǵy boıynsha úzdik aıaqtaǵan.

2008 jyly «Bolashaq» halyqaralyq stıpendııasymen Sorbonna ýnıversıtetinde jáne Parıj ulttyq óner konservatorııasynda bilimin jetildirdi. 2010 jyly Reseı teatr óneri akademııasynyń (GITIS) magıstratýrasyn támamdady.

2016 jyly T.Júrgenov atyndaǵy Qazaq ulttyq óner akademııasynyń ǵylymı keńesinde «Qazaqstannyń teatr rejıssýrasyndaǵy sabaqtastyq pen jańashyldyq» taqyrybynda doktorlyq dıssertaııasyn qorǵap, ónertaný boıynsha fılosofııa doktory ǵylymı dárejesine ıe boldy.

Eńbek jolyn 1997 jyly Batys Qazaqstan oblystyq qazaq drama teatrynda qoıýshy-rejısser bolyp bastady. Ár jyldary «Qazaqstannyń rýhanı damý qory» AQ vıe-prezıdenti, QR Mádenıet jáne sport mınıstrliginiń janyndaǵy «Qazaq áýenderi» AQ prezıdenti bolyp qyzmet etti.

Elimizde tuńǵysh ret ashylǵan «Astana Musical» memlekettik teatryna kórkemdik jetekshilik jasady. «Qazaqkonert» memlekettik konerttik uıymynyń bas dırektory, M.Áýezov atyndaǵy Qazaq memlekettik akademııalyq drama teatrynyń dırektory qyzmetterin atqardy. A.Maemırov 2018-2019 jyldary T.Júrgenov atyndaǵy Qazaq ulttyq óner akademııasynyń rektory boldy. Osy ýaqytqa deıin Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń dırektory bolyp eńbek etti.

Ashat Maemırov memlekettik jáne halyqaralyq aýqymdaǵy seksennen astam mádenı is-sharanyń rejısseri boldy. Qazaqstannyń teatr sahnalarynda jıyrmadan astam qoıylymdy sahnalap, respýblıkalyq jáne halyqaralyq óner festıvalderiniń birneshe márte laýreaty atandy. Sonyń ishinde M.Áýezov atyndaǵy Qazaqtyń memlekettik akademııalyq drama teatrynda – A.Chehovtyń «Vanıa aǵaı», A.Volodınniń «Qoshtasqym kelmeıdi», M.Omarovanyń «Aqtastaǵy Ahıko», B.Bedelhannyń «Ulym, saǵan aıtam» qoıylymdaryn, Ǵ. Músirepov atyndaǵy Qazaqtyń memlekettik akademııalyq balalar men jasóspirimder teatrynda - G. Hýgaevtyń «Qara shekpen» áfsana-dramasyn, «Astana Opera» memlekettik opera jáne balet teatrynda – M.Tólebaevtyń «Birjan-Sara» operasyn, E.Brýsılovskıı, Ǵ.Músirepovtiń «Qyzjibek» operasyn, «Astana Musical» memlekettik teatrynda - J.Presgýrvıktiń «Romeo men Djýletta», A.Orenbýrgskııdiń «Astana – meniń mahabbatym», «Shámshi» jáne «Qyzjibek» etno-folklorlyq mıýzıklderin sahnalady.

Sahnalaǵan qoıylymdary arqyly Japonııa, Franııa, Avstrııa, Germanııa, Belgııa, Chehııa, Izraıl, Reseı, Túrkııa, Grýzııa, Armenııa t.b. memleketterde ótken halyqaralyq festıvalder men forýmdarda qazaqtyń teatr ónerin sheteldik kórermenderge pash etti.

Sońǵy jańalyqtar