11 Tamyz, 19:15 1346 0 Jahan Anar LEPESOVA

Qalalyq ákimshilik ǵımaratyn órtep jibermek bolǵan qaskóı ustaldy

Bashqurtstannyń Neftekamsk qalalyq ákimshiligi ǵımaratynda lańkestik akt jasamaq bolǵan jergilikti turǵyn ustaldy. 

Bashınform aqparat agenttiginiń habarlaýynsha, lańkes qoldan jasalǵan qurylǵymen ákimdikke ot qoıýdy josparlaǵan.

«Ol bul áreketti memlekettik bılik organdarynyń qyzmetin turaqsyzdandyrý jáne konstıtýııalyq júıege qarsy narazylyq týdyrý maqsatynda josparlaǵan. Buǵan ınternette de belsendi túrde shaqyrǵan», — dep habarlady respýblıkanyń Federaldyq qaýipsizdik qyzmeti basqarmasynyń baspasóz qyzmeti.

Qaskóıdiń ústinen «Terrorıstik akt» jáne «Terrorıstik áreketti júzege asyrýǵa jarııa túrde shaqyrý, terrorızmdi jarııa túrde aqtaý nemese terrorızmdi nasıhattaý» baptary boıynsha qylmystyq is qozǵaldy.

 

 

Sońǵy jańalyqtar