11 Tamyz, 18:37 5947 0 Jańalyqtar Anar LEPESOVA

Almatyda qatar ornalasqan birneshe úı órtenip ketti

Almatyda bir-birine jaqyn ornalasqan birneshe jeke úıler órtenip ketti. Bul týraly Tótenshe jaǵdaılar departamentiniń baspasóz qyzmeti habarlady. 

Órt týraly habarlama túski saǵat 12-ler shamasynda Alataý aýdanynyń Petropavlovskaıa jáne Óskemen kósheleriniń boıyndaǵy túrli meken-jaılardan túsken.

"Petropavlovskaıa kóshesi 6/1, Petropavlovskaıa kóshesi 4/1 meken-jaıynda ornalasqan úı ǵımaraty men Óskemen kóshesinde monsha qurylysy órtendi. Aǵashtan jasalǵan tóbeler men qabyrǵalar órttiń tez taralýyna yqpal etti.", - delingen departament habarlamasynda.

Ǵımarattar bir-birine óte jaqyn ornalasqan, sondyqtan órt sóndirýshilerge oqıǵa ornyna jetý qıyn boldy, deıdi olar.

"Jaqyn mańdaǵy ǵımarattardy sóndirý jáne qorǵaý úshin bes órt sóndirý qondyrǵysy jetkizildi, órt gıdranttaryna ısternalar ornatyldy, sýdyń úzdiksiz berilýi qamtamasyz etildi. Alataý aýdanynyń polıııa qyzmetkerleri órttiń perımetrin qorshap, qaýipsizdikti qamtamasyz etti. Órt sóndirýshiler Petropavlovskaıa kóshesi, 2/2 meken-jaıy boıynsha ornalasqan turǵyn úı men ǵımaratty, sonymen qatar Óskemen 6 jáne 7-shi úı ǵımarattaryn qorǵap qala aldy. Olar jartylaı kúıip ketken", - deıdi baıspasóz qyzmeti.

Qabyldanǵan sharalar boıynsha órt 20 mınýt ishinde joıyldy, saǵat 12.40-da ol 120 sharshy metr alańda tolyqtaı joıyldy. Órtti sóndirýge 25 adam, bes tehnıka jumyldyryldy. Zardap shekkender joq.

Sońǵy jańalyqtar