11 Tamyz, 13:21 664 0 Jańalyqtar Dilda ÝÁLIBEK

Qazaq qyzy Ilon Masktyń jobasynda jumys isteıdi

20 jasar Janna Yqylas jas mamandar tobynyń quramynda Ilon Mask usynǵan «Hyperloop» vakýýmdyq poıyzynyń jobasy boıynsha jumys isteıdi.

2013 jyly bastalǵan vakýýmdyq poıyzdyń jobasy áli tolyq aıaqtalmaǵan. Bul poıyzdyń jyldamdyǵy, teorııalyq turǵydan ushaqtyń jyldamdyǵyna jaqyn: saǵatyna 700-800 shaqyrym qashyqtyqty eńsere alady.

Janna Florıda ýnıversıtetiniń Gatorloop komandasynyń múshesi. 2017 jyldyń qańtarynda olardyń toby 1500 toptyń ishinen iriktelgen 22 toptyń biri bolyp,  Kalıfornııadaǵy SpaceX bazasyna shaqyrylǵan.

«Men árdaıym adamzattyń ómirin jaqsartatyn, sonymen qatar qorshaǵan ortaǵa zııan keltirmeıtin jańashyl jobalarmen jumys istegim keletin. Bul jerden izdegenimdi taptym. Meniń oqýdy bitirýime 3 semestr qaldy, al oqý bitirgen soń maǵan komandadan ketýge týra keledi. Men tájirıbemniń arqasynda ınnovaııa salasynda jumys taba alamyn dep oılaımyn, al sodan keıin men ınjenerlik magıstr dárejesin alǵym keledi», - deıdi Janna.

 

Sońǵy jańalyqtar