11 Tamyz, 12:16 480 0 Jańalyqtar Anar LEPESOVA

Beırýttaǵy jarylys ornynda úlken krater paıda boldy

Beırýttaǵy jarylys saldarynan port joıylyp, san myńdaǵan úı qırap qana qoımaı, úlken krater paıda boldy. Mamandardyń esepteýinshe, onyń tereńdigi 43 metr.

Eske sala keteıik, 4 tamyzda Beırýttaǵy portta ammıak selıtrasy saqtalǵan qoımada joıqyn jarylys boldy. 158 adam qaza tapty, 6 myńnan asa adam zardap shekti. Zardap shekkender arasynda Qazaqstannyń konsýly da bar.

Qazir apat ornynda izdestirý operaııasy jalǵasýda. Alaıda mamandar qutqarý jumystaryn toqtatty. Óıtkeni  qırandylar astynan tiri adamdardyń tabylýy ekitalaı.

Jarylys saldarynan 250 myńǵa jýyq turǵyn baspanasyz qaldy. Astyq qorynyń 85 proenti joıyldy.  Tótenshe jaǵdaıdan keltirilgen materıaldyq shyǵyn 15 mıllırd dollarǵa deıin jetýi múmkin. Apat onsyz da ekonomıkalyq daǵdarysty bastan keshirip jatqan memleket úshin úlken soqqy boldy.

Buǵan deıin Franııa prezıdenti Emmanýel Makron álem elderin Lıvanǵa kómektesýge shaqyrǵanyn habarlaǵanbyz.

Makronnyń bastamasymen Lıvanǵa qoldaý kórsetý jumystaryn úılestirý boıynsha «donor elder» jıyny onlaın formatta ótti. Jıynda Franııa prezıdenti joıqyn jarylystan zardap shekken Lıvan halqyna kómektesý keregin alǵa tartty. Makronnyń sózinshe, bul is Lıvan men onyń halqyn qoldaýdaǵy birliktiń biregeı úlgisi bolýy tıis.

 

Sońǵy jańalyqtar