10 Tamyz, 20:37 532 0 Densaýlyq Anar LEPESOVA

Elordada pnevmonııaǵa shaldyqqandar sany 6 ese azaıdy

Karantınniń engizilýi Nur-Sultandaǵy epıdemıologııalyq ahýaldy turaqtandyryp, ınfekııalyq staıonarlardaǵy tósek-orynǵa suranysty 99 paıyzdan 18,5 paıyzǵa deıin tómendetti. Bul týraly  qala ákimi Altaı Kólginov  Instagram-daǵy paraqshasynda jazdy.

«Karantın alynǵannan keıin epıdemıologııalyq jaǵdaıdyń qalaı bolaryna taldaý jasadyq. Boljamǵa sáıkes, jaǵdaı birden jaqsaryp ketpeıdi. ORVI maýsymyn eskersek jyldaǵydaı medıınalyq mekemelerge aýrytpalyq túsedi. Qazirdiń ózinde daıyndyq jumystaryn júrgizip jatyrmyz. Emhana, aýrýhanalarǵa qosymsha kómek kórsetildi. 600-den astam flýometr, 500-ge jýyq ottegi konentratory, 500-ge jýyq arnaıy tósek-oryn, ókpeni jasandy jeldetý jáne KT apparattary alyndy. Aldaǵy ýaqytta jedel járdem kólikteri de jetkiziledi. Eki apta ishinde qalaǵa 110 tonnadan astam dári jetkizildi. Biz bul jumystardy júıeli negizde jalǵastyra beremiz», - dedi A.Kólginov.

Shahar basshysy qajet bolǵan jaǵdaıda barlyq 16 ınfekııalyq staıonar qaıta ashylatynyn jetkizdi.

«Sporttyq ǵımarattar men basqa da birqatar nysan kez kelgen sátte oryndar ázirleı alady. Jasyratyny joq, qala turǵyndary alǵashqy karantınnen keıin sanıtarııa normalaryn saqtamady. Bul, keri áserin tıgizip, indetke shaldyqqandardyń sany kúrt ósti. Dárigerler men medıınalyq uıymdar múmkindiginshe baryn salyp jumys istedi. Karantın sharalary ǵana jaǵdaıdy turaqtandyrýǵa múmkindik berdi», - dedi ol.

Nur-Sultanda ınfekııalyq staıonarlardaǵy tósek-orynǵa suranys shilde aıynyń basynan bastap 99 paıyzdan 18,5 paıyzǵa deıin tómendedi. 16 staıonardyń beseýi jabyldy. Olarda bolǵan barlyq naýqastar jazylyp shyqty. KVI máseleleri boıynsha jedel járdem shaqyrý sany 9,5 esege jýyq tómendep, táýligine 500-den 53-ke deıin azaıdy. Staıonarlarda pnevmonııamen aýyratyn naýqastardyń sany 6 ese qysqardy.

Erteńnen bastap qalalyq emhanalar josparly qabyldaýǵa qaıta kirisedi. Dese de, Altaı Kólginov turǵyndarǵa indetti juqtyrý qaýpi joıylmaǵanyn eskertti.

"Infekııany toqtatý úshin saqtyq sharalary men sanıtarııa normalaryn barynsha saqtaý qajet», - dep jazdy qala basshysy.

Eske sala ketsek, buǵan deıin QR Densaýlyq saqtaý mınıstrliginiń resmı ókili Baǵdat Qojahmetov elimizde koronavırýsty juqtyrý ósimi toqtaǵanyn málimdedi. Onyń aıtýynsha, endigi mindet – indetti juqtyrý men ólim-jitimdi toqtatý.

Sońǵy derek boıynsha, Qazaqstanda indetke shaldyqqandardyń jalpy sany 99 442-ge jetti. Indetten 72,5 myń adam emdelip shyqty. 1058 adam qaıtys boldy. Al  koronavırýs belgileri bar pnevmonııaǵa shaldyǵýdyń 13280 deregi tirkeldi. Tamyzdyń basynan beri ókpe dertinen 161 adam kóz jumdy.

 

Sońǵy jańalyqtar