10 Tamyz, 19:53 1048 0 Jańalyqtar Anar LEPESOVA

Almatydaǵy Naýryzbaı aýdandyq sotynyń tóraǵasy qaıtys boldy

Naýryzbaı aýdandyq sotynyń tóraǵasy Serikbaı Tólepbergenov 53 jasynda ómirden ótti.

Bul týraly Almaty qalalyq sotynyń baspasóz qyzmeti habarlady.

"Keshe, 9 tamyzda Naýryzbaı aýdandyq sotynyń tóraǵasy Tólepbergenov Serikbaı Aldabergenuly kenetten qaıtys boldy", – dedi Almaty qalalyq sotynyń baspasóz hatshysy Abaı Jarylqasyn.

Sondaı-aq Tólepbergenovtyń kóz jumǵany týraly Naýryzbaı aýdandyq sotynyń Facebook jelisindegi resmı paraqshasynda habarlandy. Qaıǵyly jaǵdaıdyń mán-jaıy ázirge belgisiz.

Serikbaı Tólepbergenov 1967 jyly 5 tamyzda qazirgi Túrkistan oblysy Babaı-Qorǵan aýyldyq okrýginde týǵan.

1991 jyly ınjener-mehanık mamandyǵy boıynsha bilim alyp, al 1998 jyly zańger dıplomyn alǵan. Eńbek jolyn sovhozda jumysshy bolyp bastaǵan.

S.Tólepbergenov túrli salada eńbek etken: taýartanýshy, ınspektor, zańger, sondaı-aq sýdıa, sot oryndaýshysy jáne sot tóraǵasy bolǵan. Ómiriniń sońǵy jyldary Almaty qalasy Naýryzbaı aýdandyq sotynda qyzmet etti. Úılengen, artynda úsh uly qaldy.

Sońǵy jańalyqtar