10 Tamyz, 19:16 473 0 Qoǵam Anar LEPESOVA

Qostanaı oblysynda karantın jeńildetildi

Búginnen bastap Qostanaı oblysynda shekteý sharalary jeńildetildi.

Shuǵyl shtabtyń sheshimine sáıkes, búginnen bastap 500 sharshy metrge deıingi azyq-túlik emes dúkenderi ashylady. Al odan úlken saýda oryndary  "klıentke deıin jetkizý" formatynda isteı beredi, dep habarlaıdy Sputnik Qazaqstan.

Budan bólek, saıabaqtar jáne sol jerde ornalasqan saýda oryndary ashylady. Biraq attrakıondar men balalar alańy, batýttar, velosıped jáne balalar oıynshyqtaryn jalǵa berý qyzmeti jumys istemeıdi.

Al saıabaq aýmaǵyna bir úıdiń adamdary bolmasa, úsh adamnan artyq toptasyp kirýge bolmaıdy. Adamdar arasyndaǵy araqashyqtyq saqtalýy tıis.

Qaladaǵy qoǵamdyq kólik tańǵy saǵat 06:00 men keshki saǵat 21:00 arasynda júredi.

Aıta keteıik, buǵan deıin Almaty men Qaraǵandy oblysynda karantın sharalary jeńildetilgen bolatyn. Al Aqmola oblysy boıynsha Býrabaı men Zerendide sýǵa túsýge ruqsat berildi.

 

Sońǵy jańalyqtar