10 Tamyz, 18:40 1805 0 Densaýlyq Anar LEPESOVA

Qazaqstanda úsh bala Kavasakı sındromyna shaldyqty

Koronavırýs juqtyrǵan 114 bala el aýrýhanalarynda em qabyldap jatyr. Bul týraly Densaýlyq saqtaý mınıstrliginiń resmı ókili Baǵdat Qojahmetov málim etti. 

«Naýryz aıynan bastap balalardyń koronavırýs ınfekııasyn juqtyrýdyń 2 257 jaǵdaıy tirkeldi. Onyń ishinde qazirgi kezde Qazaqstan aýrýhanalarynda 114 bala jatyr», - dedi ol.

Resmı ókildiń aıtýynsha, koronavırýsqa shaldyqqan úsh jetkinshekte Kavasakı sındromy anyqtalǵan. Atap aıtqanda, qaýipti keselge shaldyǵý derekteri Almaty, Nur-Sultan jáne Petropavl qalalarynda tirkelgen. Elordada syrqattanyp jatqan balanyń jaǵdaıyn mamandar aýyr dep baǵalap otyr.

Eske sala ketsek, buǵan deıin Baǵdat Qojahmetov elimizde koronavırýsty juqtyrý ósimi toqtaǵanyn málimdegen.

Ótken táýlikte Qazaqstanda 741 adamnan koronavırýs anyqtalyp, indetke shaldyqqandardyń jalpy sany 100 myńǵa jýyqtady. Indetten 72,5 myń adam emdelip shyqty. 1058 adam qaıtys boldy.

Al  koronavırýs belgileri bar pnevmonııaǵa shaldyǵýdyń 13280 deregi tirkeldi. Tamyzdyń basynan beri ókpe dertinen 161 adam kóz jumdy.

 

 

Sońǵy jańalyqtar