10 Tamyz, 17:32 387 0 Densaýlyq Anar LEPESOVA

Taldyqorǵanda eki provızorlyq ortalyq jabyldy

Sýret ınternetten alyndy
Sýret ınternetten alyndy

Taldyqorǵanda koronavırýs juqtyrǵan naýqastardy emdeý úshin ashylǵan eki provızorlyq ortalyq jabyldy. Bul týraly oblystyq Densaýlyq saqtaý basqarmasynyń basshysy Ómirzaq Nııazbekov málimdedi.

«Búginnen bastap Taldyqorǵan qalasyndaǵy áskerı gospıtalda ashylǵan provızorlyq ortalyq jabylyp, gospıtal qalypty jumysyn bastady. Sonymen qatar, oblystyq teri-venerologııalyq dıspanser de josparly túrde naýqastardy qabyldaýǵa daıyn»,- dedi basqarma basshysy.

Ómirzaq Nııazbekovtyń aıtýynsha, oblystaǵy staıonarlar júktemesiniń tómendeýine baılanysty ınfekııalyq tósek sany 520-dan 490 orynǵa, provızorlyq tósek sany 3560-tan 2541 orynǵa deıin qysqartylǵan.

Indet taralǵaly oblysta barlyǵy 4704 adam koronavırýs juqtyrǵan. Naýqastardyń 4008-i emdelip shyqty. 26 adam qaıtys boldy.

Al respýblıka boıynsha qaterli vırýsty juqtyrǵandar sany 100 myńǵa jýyqtady. 72523 adam indetten aıyqsa, 1058 adam kóz jumdy.

Sondaı-aq, 13280 adam koronavırýs belgileri bar pnevmonııaǵa shaldyqty. Tamyzdyń basynan beri ókpe dertinen 161 adam qaıtys boldy.

Búgin Densaýlyq saqtaý mınıstrligi koronavırýsty juqtyrý ósimi toqtaǵanyn málimdedi. Mınıstrliktiń resmı ókili Baǵdat Qojahmetovtiń aıtýynsha, endigi mindet – indetti juqtyrý men ólim-jitimdi toqtatý.

Sońǵy jańalyqtar