10 Tamyz, 15:37 450 0 Saıasat Anar LEPESOVA

Qasym-Jomart Toqaev Aleksandr Lýkashenkony saılaýdaǵy jeńisimen quttyqtady

Qasym-Jomart Toqaev Qazaqstan halqynyń jáne jeke óziniń atynan Aleksandr Lýkashenkony Belarýs Prezıdenti bolyp qaıta saılanýymen quttyqtap, jedelhat joldady, dep habarlaıdy Aqordanyń baspasóz qyzmeti. 

«Saıası jaǵdaıdyń kúrdeli bolǵanyna qaramastan saılaýdyń qorytyndysy halyq Sizdiń Belarýs memleketiniń egemendigi men táýelsizdigin nyǵaıtýǵa negizdelgen strategııalyq baǵytyńyzdy qoldaıtynyn kórsetti», – delingen jedelhatta.

Prezıdent eki el halqynyń ıgiligi úshin Qazaqstan men Belarýs arasyndaǵy ózara tıimdi yntymaqtastyq aldaǵy ýaqytta da tabysty damı beredi dep senetinin jetkizdi.

Memleket basshysy Qasym-Jomart Toqaev Aleksandr Lýkashenkoǵa Belarýs Respýblıkasynyń Prezıdenti retinde oıǵa alǵan barlyq josparyn tolyq júzege asyrýdy, al Belarýs halqyna beıbitshilik, ózara túsinistik pen ósip-órkendeý tiledi.

Sońǵy jańalyqtar