10 Tamyz, 14:58 395 0 Jańalyqtar Anar LEPESOVA

Abaı eskertkishine gúl shoqtary qoıyldy

Abaıdyń 175 jyldyq mereıtoıyna oraı Memlekettik hatshy Qyrymbek Kósherbaev bastaǵan bir top memleket jáne qoǵam qaıratkeri Nur-Sultan qalasyndaǵy Abaı eskertkishine gúl shoqtaryn qoıdy.

Sharaǵa Prezıdent Ákimshiligi basshysynyń orynbasary Dáýren Abaev, Premer-Mınıstrdiń orynbasary Eraly Toǵjanov, Mádenıet jáne sport mınıstri Aqtoty Raıymqulova, elorda ákimi Altaı Kólginov, Prezıdenttiń baspasóz hatshysy Berik Ýálı jáne Májilis depýtaty Saýytbek Abdyrahmanov qatysty.

Eske sala keteıik, búgin elimizde alǵash ret Abaı kúni atap ótilýde. Uly aqyn mereıtoıyna oraı respýblıkanyń túkpir-túkpirinde 100-ge jýyq shara ótedi.

Ataýly kúni Egemen Qazaqstan gazetinde Prezıdent Qasym-Jomart Toqaevtyń  «Abaı – rýhanı reformator» atty maqalasy jaryq kórdi. Memleket basshysy óz maqalasynda Abaı halyqty toı toılaýǵa emes, eńbek etýge, rýhanı kemeldenýge shaqyrǵanyn atap ótti.

Sondaı-aq, Prezıdent gýmanıtarlyq pánderdiń bólinbes bólshegi retinde «Abaıtaný» kýrsyn oqytý, jańa fılosofııalyq jáne saıası ustanym turǵysynan «Abaıtaný» oqýlyǵy men hrestomatııasyn ázirleý máselelerin kóterdi.

Sońǵy jańalyqtar