9 Tamyz, 19:04 494 0 Jahan Anar LEPESOVA

Balaǵa zorlyq jasaýǵa oqtalǵan kúdiktini ustaýǵa kómektesken jasóspirim marapattaldy

Atyraýda qylmysqa kúdiktini ustaýǵa kómektesken jasóspirim marapattaldy, dep habarlaıdy Polisia.kz.

6 tamyz kúni saǵat 19.30 shamasynda Kóktem yqsham aýdanynda jas balaǵa seksýaldyq sıpattaǵy zorlyq-zombylyq áreketin jasaýǵa oqtalǵan azamatty qyraǵylyqpen baıqaǵan boıy dereý jiti qımyldap, azamattyq mindetterin abyroımen atqarǵan qala turǵyndaryn oblys Polıııa departamentiniń bastyǵy Qamza Úmbetqalıev arnaıy shaqyryp, qabyldady.

Karantın rejiminiń talaptaryn, ıaǵnı qorǵaný quraldary men ara qashyqtyqty saqtaı otyryp, oblystyń Bas polıeıi qylmystyń aldyn alyp, kúdiktini ustaýda kórsetken kómekteri úshin Atyraý qalasynyń turǵyndary Shamıl Kýlıev, Artýr Novıkov jáne 16 jastaǵy Álisher Tólegenge  óz atynan jáne departamenttiń jeke quramy atynan Alǵys hatpen marapattap, syılyqtar tabystady.

Qamza Baqtyǵalıuly Álisherge azamattyq ustanymy jáne osyndaı jaǵdaıǵa beıjaı qaramaı kómekke kelgeni úshin alǵys aıtyp, bolashaqta ishki ister organdarynda qyzmet etýge shaqyrdy. Marapattalǵan azamattarǵa Qamza Baqtyǵalıuly rızashylyǵyn bildirdi.

– Kúdiktini ustaýǵa kórsetken kómekterińizdi erlik dep bilemiz. Egemendi elimizdiń óskeleń urpaǵy sizderdeı janashyr bolsa, el erteńi kemel bolaryna senim mol. Sizderge myqty densaýlyq, jarqyn bolashaq tileımin, – dedi Qamza Baqtyǵalıuly.

Sońǵy jańalyqtar