8 Tamyz, 09:11 506 0 Jańalyqtar Asyl TUMAR

Elimizde ulttyq sanaq júrgizý bir jylǵa shegerildi

Statıstıka komıtetiniń resmı saıtyndaǵy málimetke sensek, Úkimet byltyr 19 maýsymda 2020 jyly ulttyq sanaq ótkizý týraly qaýly shyǵarǵan.

Oǵan sáıkes, Qazaqstan Respýblıkasynyń ulttyq halyq sanaǵy bıylǵy 1-30 qazan aralyǵynda ótýge tıis edi.

«Elimizde koronavırýs ınfekııasynyń taralýy men engizilgen karantın sharalaryna baılanysty ulttyq halyq sanaǵyn 2021 jylǵy qazan aıyna aýystyrý jóninde sheshim qabyldandy», – dep málimdeıdi komıtet.

Ulttyq halyq sanaǵyn ótkizý ádisi ózgerissiz qalady. Iaǵnı 1-15 qazan aralyǵynda mamandandyrylǵan sanaq.gov.kz saıtynda ınternet-saýalnama júrgiziledi, al 1-30 qazan aralyǵynda málimetterdi jınaý úshin ıntervıýerler jaýapty planshette tirkeı otyryp, halyqqa jappaı saýalnama júrgizedi.

Sońǵy jańalyqtar