7 Tamyz, 09:55 455 0 Jańalyqtar Asyl TUMAR

Eraly Toǵjanov Bıologııalyq qaýipsizdik jónindegi keńestiń otyrysyn ótkizdi

Búgin QR Premer-Mınıstriniń orynbasary E.Toǵjanov beınekonferenııa baılanysy rejıminde jetekshi otandyq ǵalymdar men sarapshylardyń qatysýymen Memleket basshysynyń tapsyrmasy boıynsha qurylǵan Bıologııalyq qaýipsizdik jónindegi keńestiń otyrysyn ótkizdi. Bul týraly QR Úkimetiniń resmı saıty habarlady.

Keńeste elimizdiń bıoqaýipsizdigine qatysty ózekti máseleler, osy sala boıynsha jeke zań ázirleý, halyqty COVID-19-ǵa qarsy vakınalaý, kadrlar daıarlaý, sondaı-aq ǵylymı zertteýler jumysyn damytý qajettigi talqylandy. Máselelerdi talqylaý barysynda ǵalymdar men sarapshylar elimizdiń bıoqaýipsizdigin odan ári damytý boıynsha júıeli sharalardy ázirleý úshin dıalogtyq alań retinde qurylǵan keńestiń mańyzdylyǵyn joǵary baǵalady.

Bilim jáne ǵylym mınıstrligi bıoqaýipsizdik jáne bıotehnologııa salasynda elimizde 12 ǵylymı uıym jumys isteıtinin, búgingi tańda osy uıymdar asa qaýipti aýrýlarǵa qarsy 68 vakına, bıologııalyq preparattardyń 52 túrin ázirlegenin habarlady.

Bul Keńes úzdik álemdik praktıkalardy Qazaqstanǵa engizý úshin bedeldi halyqaralyq uıymdarmen, bıoqaýipsizdik jónindegi zertteý ınstıtýttarymen yntymaqtastyqty jolǵa qoıady, sondaı-aq basym baǵyttardy damytý jóninde usynymdar ázirleı otyryp, bıoqaýipsizdik salasyndaǵy ónim óndirýdiń otandyq naryǵyna taldaý jasaıdy.

Premer-Mınıstrdiń orynbasary pandemııa jaǵdaıynda bıologııalyq qaýipsizdik salasyn damytýdyń erekshe mańyzdylyǵyn atap ótti.

«Keńes jańa tehnologııalardy engizýdi, ıfrlandyrýdy, ǵylymı jańalyqtardy, sondaı-aq bolashaqty boljaıtyn derekterdi eskere otyryp, bıoqaýipsizdikti damytý boıynsha júıeli usynystar ázirleýi tıis. Qysqa merzimde bıoqaýipsizdik salasyndaǵy kadrlardyń qajettiligin anyqtaý, qazirgi talaptardy eskere otyryp, oqý baǵdarlamalaryn ózektendirý, sondaı-aq ǵylymı zertteýlerdiń baǵyttary men taqyryptaryn, olardyń praktıkalyq mańyzdylyǵyn kúsheıte otyryp qaıta qaraý talap etiledi. Sonymen qatar bıoqaýipsizdik máselelerin zańnamalyq retteý úshin tıisti zań jobasyn ázirleý qajet», – dedi E.Toǵjanov.

Sońǵy jańalyqtar