6 Tamyz, 21:07 593 0 Atajurt Anar LEPESOVA

Indettiń beti qaıtýyn tilep, tasattyq jasady

Rýdnyı qalasy men onyń tóńiregindegi eldi mekenderde barlyǵy 16 myńǵa jýyq qandas turady.  Atamekenim dep kelgen olar osyndaǵy ken ornynan, basqa da kásiporyndardan jumys taýyp, eshkimge qol jaımaı, óziniń tirshiligin bastaǵan. Negizinen Ózbekstannan kelip jatqan qandas aǵaıyn arqasynda Rýdnyı qalasy qazaqtanyp, memlekettik tilde bilim beretin mektep sany kóbeıdi.

Dúnıeni bir tarynyń qaýyzyna syı­ǵyz­ǵan koronavırýs indeti bizdiń elge de náýbet bo­lyp tur. Búkil jer júzinde osy keselge qar­sy túrli jumystar júrip jatyr. Biraq dál qazir aýrýdyń birjola beti qaıtqan joq. Adam shyǵyny bizde de az emes. Jaqsy da, jaı­sań da, kári de, jas ta osy aýrýdan o dú­­nıe­lik boldy. Bul, árıne halqymyzdyń ja­­nyn syzdatady. Qazaqtyń kórgen qu­qaıy tek bul emes. Ult bolyp saqtalyp qalýy úshin qandaı jaýmen alyspady deı­siz? Uly dalada maldy da, jandy da shy­byn­daı qyrǵan jut pen juqpaly aýrý sekildi ta­bı­ǵattan kelgen apat ta az bolmaǵan. Son­­daı kezde atalary­myz mal soıyp, ta­sat­tyq jasap, Alladan medet suraǵan. Ata­jurt­taǵy qutty qonysyn Rýdnyı qala­sy­nan tapqan qandastar atalarymyz ustanǵan osy jolymen sıyr soıyp, tasattyq ja­sady. Onyń basy-qasyn­da Dúnıejúzi qa­zaq­tarynyń qaýymdastyǵy men «Otandastar» qory oblystyq fılıaly­nyń belsendi mú­sheleri júrdi.

– Dúnıejúzine az ýaqytta jaıy­lyp ketken vırýs búkil adamzatqa qaýip tóndirdi. Elimizde osy indet­tiń qurbany kóbeıdi. Allaǵa jal­baryndyq, sıyr soıyp, tasattyq ja­sadyq. Alla tilegimizdi bersin, el irgesi myqty bolsyn, el-jurt aman bolsyn dep tiledik, – deıdi Nu­rıd­dın Búkirbaev aqsaqal.

Qazir áleýmettik jeliler naǵyz «jyl­dam habar alǵyzyp» turǵan kez. Bel­sendi top músheleri WhatsApp-qa ta­sattyq ja­saý týraly habarlandyrý bergennen keıin-aq, jurt tıyn-tebenin ortaǵa tas­taı bastady. «Kóp túkirse – kól» emes pe, sha­maly ýaqyt ishin­de edáýir qarjy jına­lyp qaldy.

– Qalalyq meshit ımamymen aqyldasa oty­ryp, el-jurttan túsken 400 myń teń­geden asa qarjyǵa aldymen bir sıyr satyp aldyq. Ony bata jasap, Alladan jalbary­nyp, tilek tilep, soıyp, aýyryp turǵan, sorpa qajet etetin adamdarǵa, turmysy tómen, kópbalaly jáne naýqas, múgedek ba­ǵyp otyrǵan 45 otbasyǵa tarattyq. Qal­ǵan 4 otbasyǵa 10 myń teńgeden berdik. Ar­­­tylǵan 40 myń teńgeni jasandy tynys aldyrý apparatyn alýǵa qarjy jınaǵan meshit ımamyna ótkizdik, – deıdi Dúnıejúzi qazaqtarynyń qaýymdastyǵy men «Otan­dastar qory» oblystyq fılıalynyń taǵy bir belsendisi Qydyr Ótebaev.

Atajurtqa kelip jatqan qandastar náý­betke qarsy búkil dúnıe kúresip jatqan kezde, osyndaı aýyzbirliktiń, ımandy­lyq­tyń, adamgershiliktiń úlgisin kórsetti.

 

Názıra JÁRIMBET,

Qostanaı oblysy

Sońǵy jańalyqtar