6 Tamyz, 10:39 377 0 Jahan Anar LEPESOVA

Bangladeshte sý tasqynynan mıllıondaǵan adam baspanasyz qaldy

Bangladeshte birneshe kún tolassyz jaýǵan jaýyn  tasqynǵa ulasyp, mıllıondaǵan turǵynnyń baspanasy sý astynda qaldy. 

BAQ dereginshe, Bangladeshtiń 25 paıyzyn qyzyl sý basqan. Aımaqtaǵy ózen men kólder arnasynan asyp ketken. Mamandardyń aıtýynsha, Djamýna ózeniniń sýy qaýipti deńgeıge jetti.

Apat saldarynan 5 mıllıonǵa jýyq adam zardap shekti, 135 adam kóz jumdy. Tutas aýdandar sý astynda qalyp, iri avtomagıstraldar jabyldy. Jergilikti turǵyndardy qatty alańdatatyny - aýyl sharýashylyǵy alqaptarynyń jaramsyz kúıge túsýi.  Barar jer, basar taýy qalmaǵan jergilikti turǵyndar úkimetten tıisti kómek kórsetilmegenin aıtyp shaǵymdanýda. Halyqaralyq uıymdardyń boljamynsha, azyq-túlik tapshylyǵymen betpe-bet kelgen óńirge gýmanıtarlyq daǵdarys qaýpi tónip tur.

 

Sońǵy jańalyqtar