5 Tamyz, 14:34 481 0 Densaýlyq Anar LEPESOVA

COVID-19: Túrkııa kýrorttarynda indet órshidi

Túrkııa kýrorttarynda koronavırýs juqtyrý derekteriniń sany kúrt artty. Bul týraly eldiń densaýlyq saqtaý mınıstri Fahrettın Kodja málimdedi, dep habarlaıdy RIA Novostı

«Biraz ýaqyttan beri alǵash ret indet juqtyrǵandar sanynyń kúrt artqanyn kórip otyrmyz», - dep jazdy ol Twitter-de. Sheneýniktiń sózinshe, Túrkııa vırýstyń ári qaraı taralýyna jol bermeý úshin qoldan kelgenniń bárin jasaýy kerek.

Pandemııa bastalǵaly Túrkııada koronavırýs juqtyrǵandar sany 234 myńnan asty. Naýqastardyń 5,7 myńnan astamy kóz jumsa, 218 myńnan asa adam emdelip shyqty.

Al álem boıynsha koronavırýs juqtyrǵandar sany 18,5 mıllıonnan asty. Indetten 700 myńnan astam adam kóz jumdy.

Óz elimizdegi epıdemıologııalyq ahýalǵa kelsek, Qazaqstanda ótken táýlikte 1062 adamnan koronavırýs anyqtalyp, indetke shaldyqqandardyń jalpy sany 95 myńǵa jýyqtady. Indetten 67 myńnan asa adam emdelip shyqsa, 1058 adam kóz jumdy.

Sońǵy jańalyqtar