5 Tamyz, 13:28 566 0 Jahan Anar LEPESOVA

Beırýttaǵy jarylys qurbandarynyń sany 100-den asty

Beırýt portyndaǵy jarylystan kóz jumǵandar sany 100-den asty. Bul týraly Lıvan Qyzyl kres qoǵamyna silteme jasap Sky News Arabia telearnasy habarlady.

Apat ornynda izdeý-qutqarý jumystary jalǵasýda. Mamandardyń aıtýynsha, jarylystan zardap shekken ǵımarattar qırandysyn arshyǵan saıyn qurbandardyń sany arta túsýi múmkin.

Eske sala keteıik, buǵan deıin Lıvan bıligi jarylys sebebin aıtqan bolatyn. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt qaýipsizdik sharalarynsyz saqtalǵannan keıin jarylǵan.

Lıvandaǵy jarylys saldarynan Qazaqstannyń dıplomatııalyq mıssııasy ǵımaratyna zııan kelgenin habarlaǵanbyz.

SIM habarlamasyna súıensek, jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Jumysta qalǵan konsýl jarylys tolqyny saldarynan jeńil jaraqat aldy.

Apat týraly aqparatty alǵannan keıin Prezıdent Qasym-Jomart Toqaev Syrtqy ister mınıstrligine Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy.

Sońǵy jańalyqtar