4 Tamyz, 20:30 2672 0 Atajurt Baqytbek Qadyr

Qazaqstanda júrgen Monǵolııa azamattary eline qaıtarylady

Qazaqstanda júrgen Monǵolııa azamattaryn elge qaıtarý úshin Monǵolııa Úkimeti Qazaqstanǵa ushaq jiberetinin resmı málimdedi.

Jýyqta ǵana Monǵolııada ótken Parlament saılaýynda jeńiske jetken qandasymyz – Monǵolııa Parlamentiniń múshesi Tileýhanuly Áýbákir búgin, ıaǵnı tamyzdyń 4-kúni Monǵolııa Úkimeti basshysynyń orynbasary Ia.Sodbaatarmen kezdesti.

Parlament múshesi T.Áýbákir karantınge baılanysty Qazaqstanda qalyp qoıǵan otandastaryn Monǵolııaǵa qaıtarý jónindegi depýtattyq saýalyn Memlekettik tótenshe komıssııaǵa shildeniń 7-si kúngi bergen bolatyn. Kezdesýde osy resmı hattyń jaýaby suraldy jáne de Qazaqstanǵa taǵy da ushaq ushyrý jónindegi azamattardyń ótinish talaptary jetkizildi.

Monǵolııa úkimet basshysynyń orynbasary Monǵol eli álem elderindegi óz azamattaryn elge ákelip jatqan jumystary týraly aıta kele tamyzdyń 22-nen Qazaqstanǵa taǵy bir ret ushaq ushyratynyn resmı málimdedi.

Sońǵy jańalyqtar