4 Tamyz, 13:15 421 0 Jańalyqtar Asyl TUMAR

Úkimet rezervinen 1,2 mln zerthanalyq zertteý júrgizý úshin qarajat bólindi

Qazaqstan Respýblıkasy Úkimetiniń rezervinen Densaýlyq saqtaý mınıstrligine COVID-19 vırýsyn anyqtaý boıynsha PTR test ótkizý úshin qarajat bólindi.

Densaýlyq saqtaý mınıstrliginiń málimetinshe, Úkimet rezervinen 1 200 000 zerthanalyq zertteý júrgizý úshin qarajat bólindi.

«PTR test ótkizý arqyly COVID-19 aýrýyn anyqtaý boıynsha 1 020 000 zerthanalyq zertteý mınıstrlikke qarasty «Ulttyq saraptama ortalyǵynda», al qalǵan 180 000 zertteý QR DSM «Ulttyq qoǵamdyq densaýlyq ortalyǵynda» júrgiziledi. Odan bólek bıyl maýsym aıynda 225 600 test jetkizilgen», – dedi DSM Taýarlar men qyzmetterdiń sapasyn jáne qaýipsizdigin baqylaý komıtetiniń baspasóz qyzmetinen.

Komıtettiń habarlaýynsha, qazirgi ýaqytta satyp alý proedýrasynyń bári júrgizilip, tasymaldaýshymen 554 000 testti jetkizý boıynsha kelisim jasalǵan. Kelisimge sáıkes testter 1-2 aptanyń ishinde jetkiziledi.

«Odan bólek Ulttyq saraptama ortalyǵy (QR DSM zerthanalary) azamattardy testpen barynsha qamtý úshin memlekettik jáne jeke zerthanalardy da tartyp otyr. 2020 jyldyń 2 tamyzyndaǵy jaǵdaı boıynsha respýblıkada 239 646 dana test qalǵan. Bul mólsher – aldaǵy eki aptany qajettigin jaýyp tur», – delingen habarlamada.

Sońǵy jańalyqtar