3 Tamyz, 09:57 429 0 Densaýlyq Anar LEPESOVA

COVID-19: Álemde indet juqtyrǵandar sany 18 mıllıonnan asty

Álemde koronavırýs juqtyrǵandar sany 18 mıllıonnan asyp jyǵyldy. Indetten 688 myńnan asa adam qaıtys boldy. Djons Hopkıns ýnıversıtetiniń sońǵy deregi osyndaı.

Sońǵy aptada indet Avstralııa, AQSh, Ońtústik Afrıka men Úndistanda qarqyndy taralýda. Avstralııanyń Vıktorııa shtatynda vırýs juqtyrǵandar sanynyń kúrt artýyna baılanysty apat rejımi jarııalandy. Aımaqta sońǵy táýlikte 671 adamnan indet anyqtalǵan. Shtat astanasy Melbýrnde 4-shi deńgeıdegi saqtyq sharalary engizildi. Qala turǵyndaryna turatyn jerinen 5 shaqyrym radıýsta azyq-túlik alý nemese sportpen shuǵyldaný úshin ǵana úıden shyǵýǵa ruqsat etiledi.

Indet juqtyrǵandar sany jóninen álemde úshinshi orynda turǵan Úndistanda úshinshi kún qatarynan aýrý juqtyrǵandar sany 50 myńnan asty.

Al  Reseıde ótken táýlikte 5 427 naýqas tirkeldi. Pandemııa bastalǵaly elde 850 myńnan astam adam aýrýǵa shaldyqqan.

Aıta keteıik, ótken táýlikte Qazaqstanda 1069 adamnan koronavırýs anyqtalyp, indetke shaldyqqandardyń jalpy sany 92 662-ge jetti. Qaterli vırýstan 793 otandasymyz kóz jumdy.

Sońǵy jańalyqtar