1 Tamyz, 20:48 514 0 Qoǵam Anar LEPESOVA

Elorda kóshelerine koronavırýspen kúresken dárigerlerdiń sýreti ilindi

Nur-Sultandaǵy bılbordtarda koronavırýs indetimen kúresken qalalyq aýrýhana dárigerleriniń sýretteri paıda boldy. Ondaǵy maqsat -  medıına qyzmetkerlerine pandemııa kezindegi qajyrly eńbegi úshin qurmet kórsetip, alǵys aıtý. 

Qalanyń ortalyq kóshelerinen 40-tan astam dárigerdiń sýretin kórýge bolady. Olar Tursyn Raıda, Dáýren Moldajanov, Marına Makıenko, Ǵaısa Nurǵalıev, Jazıra Nýbın jáne basqalar. Jalpy, pandemııa bastalǵaly qalada indetpen kúreske bes myńǵa jýyq dáriger tartylǵan.

Birneshe aıdan beri dárigerler úı betin kórmeı, otbasylarynan jyraqta eńbek etti. Qaterli vırýs juqtyrǵandardyń ómiri úshin arpalysty. Kórinbeıtin jaýmen kúreste alǵy shepte júrgen aq halattylardyń janqııar eńbeginiń arqasynda kóptegen adamdar aýrýdan aıyǵyp, aman-esen jaqyndarymen qaýyshty.

Búgingi kúnge deıin astanamyzda 11 254 adamnan koronavırýs anyqtalsa, olardyń 8340-y emdelip shyqty. Al respýblıka boıynsha 61 myńǵa jýyq naýqas qaterli dertti jeńdi.

Sońǵy jańalyqtar