1 Tamyz, 15:38 709 0 Jańalyqtar Anar LEPESOVA

Elordada avtobýstar qozǵalysy jandanady: jolaýshylar men júrgizýshilerge qandaı talap qoıylady?

3 tamyzdan bastap jumys berýshiler men qala turǵyndarynyń ótinishi boıynsha avtobýstar qozǵalysy jandanady. Bul týraly qala ákimi Altaı Kólginov Instagram paraqshasyna jazdy.

«Men karantın kezeńindegi qoǵamdyq kólikterdiń daıyndyǵymen tanystym. Jumys berýshiler men qala turǵyndarynyń ótinishi boıynsha biz 3 tamyzdan bastap avtobýs qozǵalysyn qalpyna keltiremiz. Tek qala ishinde júretin baǵyttar iske qosylady», - dedi Nur-Sultan qalasynyń ákimi.

Avtobýstar saǵat 6: 00-den 21: 00-ge deıin júredi. Qoǵamdyq kólikterge maskasyz kirýge tyıym salynady. Kóliktik baqylaý bóliminiń qyzmetkerleri kún saıyn reıdter júrgizip, júrgizýshiler de, jolaýshylar da maska rejımin saqtaıtyn bolady. Júrgizýshilerge jolaýshylardy salonǵa maskasyz kirgizýge qatań tyıym salynady. Avtobýstan tek aldyńǵy esikten shyǵady. Jol júrý aqysy banktik aýdarym arqyly jasalady.

 

Sońǵy jańalyqtar