1 Tamyz, 14:27 1028 0 Jańalyqtar Anar LEPESOVA

Tamyzda aýa raıy qandaı bolady – sınoptıkter boljamy

Qazgıdromet tamyz aıyna arnalǵan aýa raıy boljamyn usyndy.

Kúnniń uzaqtyǵy tamyz aıynda soltústik oblystarda 2 saǵatqa, ońtústik oblystarda 1 saǵat 20 mınýtqa qysqarady, deıdi mamandar.

Elimizdiń basym bóliginde ortasha aılyq temperatýra tamyzda shilde aıynan +2+2,5°S, al ońtústik oblystarda 1°S tómen. Qazaqstannyń soltústiginde +16+20°S bolady, al ońtústikte +27+29°S deıin joǵarylaıdy.

"Taý bókterindegi aýdandarda bıiktegen saıyn aýa temperatýrasy +24°S dan (teńiz deńgeıinen 450 m bıiktikte) 7,5°S deıin (3 km bıiktikte) tómendeıdi", - deıdi sınoptıkter.

Jazdyń sońǵy aıynda aýa temperatýrasy klımattyq norma shamasynda bolady dep boljanyp otyr. Jaýyn-shashynnyń edáýir kóp bolýy jáne qatty qurǵaqshylyq, ádette, tamyz aıynda sırek bolady. 2020 jyldyń tamyz aıy da basqa jyldardan erekshelenbeıdi.

Jaýyn-shashyn mólsheri respýblıkanyń basym bóliginde norma shamasynda, Shyǵys Qazaqstan oblysynyń soltústik-batys bóliginde, sonymen qatar Almaty oblysynyń taý jáne taý bókterli aýdandarynda normadan kóp, al Mańǵystaý, Qyzylorda oblystarynda jáne Aqtóbe oblysynyń ońtústiginde normadan az bolady.

"Tamyzdyń birinshi onkúndiginde qubylmaly aýa raıy ıklondarmen, atmosferalyq fronttarmen baılanysty bolady, olardyń ótýi qysqa merzimdi jaýyn-shashynǵa, batys, soltústik, shyǵys jáne ońtústik-shyǵys aımaqtarda kúshti jaýyn-shashyn, sondaı-aq jeldiń kúsheıýine ákeledi. Naızaǵaı men burshaqtyń túsýi shilde aıyna qaraǵanda az bolady dep kútilýde", - delingen Qazgıdromettiń boljamynda.

Mamandardyń paıymdaýynsha, tamyzda respýblıkanyń basym bóliginde aýa temperatýrasy joǵary bolady: túnde +15+25°S shamasynda, kúndiz +27+37°S, ońtústikte +40°S deıin kóteriledi. Tek batysta, shyǵysta jáne ońtústik-shyǵystaǵy taýly aýdandarda Skandınavııa men Taımyr aýdandarynan sýyq aýa massalarynyń enýine baılanysty birinshi onkúndiktiń ortasynda aýa temperatýrasy túnde +10+15°S-qa deıin, kúndiz +20+27°S-qa deıin tómendeıdi.

Ekinshi jáne úshinshi onkúndikterde jańbyrly jáne salqyn kúnder ystyq jáne bultsyz kúnderge aýysady. Elimizdiń soltústiginde aýa temperatýrasynyń aýytqýy túnde +12+20°S-tan +7+15°S-qa deıin, kúndiz +23+30°S-tan +15+23°S-qa deıin, al ońtústiginde jáne batysynda túnde +15+23°S-tan +10+18°S-qa deıin, kúndiz +30+39°S-tan +23+30°S-qa deıin kútiledi.

 

Sońǵy jańalyqtar