16 Shilde, 14:45 512 0 Qoǵam Araılym Bımendıeva

Zamany týdy jastardyń...

Búgingi zaıyrly memleketimizde qoǵamnyń ár salasynda jemisti eńbek etip, belsendilik tanytyp júrgen qazaq qyzdary az emes. Sondaı jandardyń biri – qyzmet jolyn jýrnalıstıkadan bastap, osy salanyń qyr-syryn meńgerip, búginde bilim men qajyrly eńbeginiń arqasynda qyzmet bıiginen kórinip júrgen Marjan Imanǵalıeva.

Marjan Ábdirásilqyzy jas­taıynan óner men bilimge ja­ny qushtar bolyp ósti. Tálim men tár­bıe­niń dińgegi bolǵan úlken shańyraqta ata-ájesi men áke-sheshesiniń tárbıesin qatar alyp, olardyń eńbekqorlyǵy men adaldyǵyn ózine úlgi tutyp ósti.

Armany asqaq, maqsaty bıik Mar­jan mektepti úzdik aıaqtap, ma­man­­dyq tańdar tusta  kóp oılanbastan jýr­­­nalıstıka salasyn qup kórdi. Jas­taıynan qoǵamdyq jumystarǵa etene ara­lasyp, kóptegen baıqaýlardyń jeńim­pazy boldy.Mektep qabyrǵasynda júrip «Ordabasy aýdanynyń arýy» baı­qaýynyń alǵashqy gran-prı ıegeri atan­ǵany úshin jáne jýrnalıstıka salasyna qos­qan úlesi úshin ol osy aýdannyń «Qur­metti azamaty» ataǵyna da laıyqty dep tanyldy.  Marjan Ábdirásilqyzy eń­bek jolyn stýdenttik kezde gazet redaktory qyzmetinen bastap, oblys­tyq jáne respýblıkalyq telearnalarda dıktor, telejúrgizýshi, korrespondent bo­lyp jumys istedi. Keıin televızııa sa­lasynda jınaǵan tájirıbesin S.Seı­fýllın atyndaǵy Qazaq agroteh­nı­ka­lyq ýnıversıtetinde telestýdııa meń­gerýshisi bolyp jalǵastyrdy. Qazaq, orys, aǵylshyn, franýz, túrik  tilderin meńgergen ol salalyq jýrnalıstıkany zertteı júrip, ekonomıka ǵylymynyń magıstri, PhD doktorant atandy.

Ol Tuńǵysh Prezıdent – Elbasy qo­rynda redaktor, bólim meń­gerýshisi, «Qazaqstan Respýblıkasy Tuń­ǵysh Prezıdenti – Elbasy Qory» QQ ja­nyndaǵy Álemdik ekonomıka jáne saıa­sat ınstıtýtynda ekonomıka bóli­miniń sarapshysy, keıin N.Nazarbaev or­talyǵynyń bas sarapshysy qyzmetin atqardy. Bilimi men tájirıbesi, qyzmet­ke degen adaldyǵy men qarapaıymdyly­ǵy ony óz ortasyna syıly etti. Ár­daıym abyroı bıiginen kórinip júrgen, jetken jetistikterine qaramastan, qazaqı qalpyn saqtap qalǵan bilikti ma­man Qazaqstan Parlamenti Senaty Tóra­ǵasy hatshylyǵynyń bas konsýl­tan­ty, keıin Senat  Tóraǵasynyń keńes­shisi qyzmetine taǵaıyndaldy.

Marjan Ábdirásilqyzynyń ǵy­lym jolyndaǵy izdenisi óz al­dyna bir tóbe. Osyǵan deıin 50-den as­tam ǵylymı maqalalary respýblı­ka­lyq, sheteldik basylymdarda jaryq kór­di. Onyń jýrnalıstıka salasyndaǵy iz­denisi «Muqaǵalı», «Sher», «Jambyl», «Temir­bek Júrgenov» syndy kitaptarǵa redaktorlyq etýimen jalǵasty. Qos burymy tobyǵyna túsken jas ana kezinde «Burymdy arý» respýblıkalyq telebaıqaýynyń jeńimpazy atanyp, ulttyq tárbıege de óz úlesin qosyp, qyz-kelinshekterge úlgi bolyp júr.

Tarıhta el basqarý isinde qazaq áıelderi kóbine keńesshi, shańy­ra­­ǵynyń  tilekshisi  pozıııasynda bolyp, bılikti er adamdarǵa bergen. Al qazirgi tańda áıeldiń el ómirindegi tulǵalyq áleýetin qalyptastyrýǵa baǵyttalǵan mádenı, rýhanı múmkindikter kóp. Bizdiń qoǵamda otbasylyq qundylyqtardy nyǵaıtýda áıelderdiń róli asa mańyzdy. Óıtkeni otbasy – tirshiliktiń tiregi, qoǵamnyń negizi. Úlgili kelin, súıikti jar bola bilgen Marjan Ábdirásilqyzy bir ul, eki qyz tárbıelep otyrǵan ana. Otbasyndaǵy mindetimen qosa qoǵam men memleket ómirindegi mańyzdy qyz­metti birge alyp júrý – úlken jaýap­ker­shilik. Onyń aıtýynsha, qazaq áıe­liniń moınynda jaýapkershilik qashanda kóp bolǵan. Qoǵam men otbasy al­dyn­daǵy áıel adamnyń jaýapker­shiligi tó­mendese, áleýmettik másele kóbeıedi. Onyń astarynda adam taǵdyry, qala ber­di el taǵdyry jatyr.

«Elbasymyzdyń «Áıel – sheksiz qu­diret ıesi. Tarıh taǵylymynda eń aı­týly ózgeristerdiń barlyǵy áıelderdiń qolymen nemese áıelder úshin jasala­dy» degen sózi bar. Sheksiz qudiret ıesi etken balalary úshin analar qashanda úlgi. Bala degen motıvaııa, yntalan­dyrý­shy kúsh. Qazaqtyń arýy, anasy de­gen túsiniktiń ózi maǵan kúsh beredi», – deıdi Marjan Ábdirásilqyzy.

Ustazdar men ǵalymdar áýletine kelin bolyp túsken ol búginde ana­lar izin jalǵap, sol áýlettiń aby­roıyn asqaqtatyp, arqa súıer azamaty, belgili ǵalym Baýyrjan Imanǵalıevpen birge qoǵamnan alshaqtamaı, bala tár­bıesine de kóńil bólip, shańyraǵynyń uıytqysy bolyp otyr. Bilim men rý­hanı baılyqty tý etken Imanǵalıevter jan­uıa­sy Almaty qalasy boıynsha «Me­reıli otbasy» ulttyq baıqaýynyń gran-prı ıegeri jáne respýblıka boıynsha laý­reaty.

Álemde bolyp jatqan jaǵdaı qo­ǵamǵa bilimdi de bilikti mened­jer­lerdiń, ǵalymdardyń, tájirıbeli ustaz, dárigerlerdiń orny qanshalyqty mańyzdy ekenin aıqyndap berdi. Bizdiń elge de memleketshil, halyqtyń óz ishi­nen shyqqan, qoly da ary da taza, adal aza­mattardyń qajet ekeni sózsiz. Maqa­la­myzǵa arqaý bolǵan keıipkerimiz Mar­jan Ábdirásilqyzy sekildi jas ta ja­lyn­dy, isker mamandardyń zamany tý­dy.

Sońǵy jańalyqtar