16 Shilde, 12:10 482 0 Nur Otan Araılym Bımendıeva

Bar jaqsylyq – balalarǵa

Elbasynyń tapsyrmasy boıynsha «Baqytty otbasy» jobasy aıasynda ótken jyldyń aqpan aıynda «Nur Otan» partııasy janynan Bala quqyǵyn qorǵaý jónindegi respýblıkalyq keńes qurylyp, elimizdiń 17 óńiri men partııanyń 230 aýmaqtyq ókildiginde óz jumysyn bastady. Bul bala quqyǵyn qorǵaýdaǵy jańa betburys boldy.

Qazaqstan táýelsizdik alǵan alǵashqy jyldary-aq burynǵy keńestik elder keńis­tiginde alǵashqylardyń biri bolyp Balalar qu­qyqtary týraly konvenııany ra­tı­fı­kaııalady. Sodan beri balalar qu­qy­ǵyna qa­tysty 15 qujat ratıfıkaııalanǵan. Mem­leket balalardy qorǵaý isine, jetim já­ne ata-anasynyń qaraýynsyz qalǵan­dar­dyń quqyǵyn qorǵaýǵa basa mán berip ke­ledi.

Jyl basynda áıelder men balalar qu­qyǵyn qorǵaý boıynsha ótkizilgen res­pýb­lıkalyq keńeste «Nur Otan» partııasy Tóra­ǵasynyń Birinshi orynbasary Baýyr­jan Baıbek: «Bala quqyǵy týraly kon­ven­ııany iske asyrý birneshe urpaq ómirine oń áserin tıgizdi. Nátıjesinde, bala ólimi bes ese azaıdy. Bilim berý, sonyń ishinde mek­tep­ke deıingi bilimmen qamtý sońǵy 5 jyl­da 13,6 paıyzǵa ulǵaıyp, 95,2 paıyzdy qura­dy. Elimizde balalardyń quqyqtaryn is­ke asyrý úshin quqyqtyq baza quryldy, ony jetildirý jalǵasyn tabýda», – dedi.

Elimizde jyldan-jylǵa bala quqyǵyn qor­ǵaý júıesi jetilip keledi. Partııa ja­ny­nan qurylǵan respýblıkalyq keńes bala­lardyń quqyǵyn qorǵaýdy qamtamasyz etý maqsatynda birshama jumys atqardy. Keńes tó­raǵasynyń orynbasary, «Balalar quqy­ǵyn qorǵaý» qoǵamdyq qorynyń quryl­taı­shysy Dınara Zakıeva keńes jumysyn júr­gizýde eń aldymen balanyń eń birinshi qajettilikterin nazarǵa alatynyn aıtqan bolatyn.

– Qazirgi tańda balalardyń 11 paıyzy qıyn jaǵdaıda ómir súredi. Jetim jáne qamqorshysyz qalǵan balalarǵa jaǵdaı jasaý bizdiń basymdyǵymyzǵa aınalýy tıis», –  dedi ol.

Statıstıkaǵa júginsek, elimizdegi bala­lardyń jalpy sany shamamen 6 mıl­lıonǵa jýyq, onyń  28 myńdaıy jetim jáne ata-anasynyń qaraýynsyz qalǵandar. Sońǵy 7-8 jyl shamasynda balalar úılerindegi tárbıelenýshiler sany 40 paıyzǵa azaıǵan.  Tárbıelenýshiler sanynyń azaıýyna jáne balalardyń óz otbasyna oralýyna baı­lanysty elimizde 50 balalar úıi qaıta uıym­dastyrylyp, keıbiri  jabyldy.

Balalar úıi tárbıelenýshileriniń qo­ǵamǵa beıimdelýi, óz erkimen naǵyz adam ómiriniń ózindik úlgisin qurýy mańyzdy. Ásirese, balalar úılerinde tárbıelenýi aıaqtalǵan soń olardy turǵyn úımen qam­tamasyz etý máselesi óte ózekti. Haqymyz «Jer­degi bir jetim qýansa, kóktegi jetpis jeti perishte toı toılaıdy» degen. «Jetim kórseń jebeı júr» qaǵıdasyn basshylyqqa alǵan Balalar quqyǵyn qorǵaý jónindegi respýblıkalyq keńes bul máseleni de kún tártibinen túsirmeı keledi. Nátıjesinde, «Ba­qytty otbasy» jobasy aıasynda balalar úıiniń 1 000-nan asa túlegi turǵyn úımen qam­tamasyz etildi. Sonymen qatar 2 000 jetim balaǵa bilim berý boıynsha jınaqtaý sa­lymy ashyldy.

Arys qalasynda jarylys bolǵanda partııa janyndaǵy Balalar quqyǵyn qor­ǵaý jónindegi respýblıkalyq keńestiń mamandary apat bolǵan aımaqqa kelip, ata-analar jáne balalarmen jumys istegeni de el esinde. Keńestiń mobıldi shtaby aımaq­tardan kelgen gýmanıtarlyq kómekti jınap, taratýmen aınalysty. Keńes jumy­synyń barysynda «Nıet» qoǵamdyq qory 2 400 balany kıim-keshekpen qamtamasyz etken bolatyn. Sonymen qatar zardap shek­ken balalarǵa psıhologııalyq kómek kór­setildi. Jalpy, osyǵan deıin elimizde 270 myńǵa jýyq otbasy quqyqtyq, psıho­lo­gııalyq kómek alǵan.

Otbasyn qoldaýdy jaqsartý, bala­lar­dyń quqyǵyn qorǵaý jónindegi júıelik sharalardy ázirleý jáne ony júzege asyrý maqsatynda qurylǵan keńestiń jumys toby partııanyń, memlekettiń kúsh-jigerin jumyldyratyn biregeı alańǵa aınaldy. Memlekettik organdarmen qatar jergilikti ákimdikterdiń jedel jumysynyń jáne ár baǵytta qabyldanǵan utqyr ári utymdy sheshimderdiń arqasynda keńes jaqsy nátıjelerge qol jetkizdi.

Túrkistan oblysynda «Qamqorlyq» jo­basy aıasynda partııa músheleriniń ara­synan 900 otbasyǵa kýratorlar taǵaıyn­daldy. Aýdan, aýyldyq okrýg ákimderi, kásipkerler men memlekettik qyzmetshiler belgilengen otbasylarǵa únemi materıaldyq kómek kórsetýge, balalardy emdeýge, tárbıeleýge, jumysqa ornalasýǵa kómektesýge mindetteldi. Atalǵan jobany júzege asyrý úshin otbasylarǵa kómek retinde 1 mıllıard teńge bólingen.

Al Qostanaı oblysynda balalar men ata-analar kez kelgen ýaqytta psıholo­gııalyq kómek alatyn biregeı front-keńse ashyldy. Sonymen qatar Aqtaý, Taraz qalalarynda kópbalaly analarǵa arnalǵan arnaıy ortalyq ashyldy. Sondaı-aq ár aımaqta bir ýaqytta balalardyń qaýip­sizdigin qamtamasyz etý boıynsha naqty is-sharalar júrgizilýde.

Qıyn jaǵdaıǵa tap bolǵan otbasylardy anyq­taý, sebebin bilý, saldaryn joıý, ana men bala quqyǵyn qorǵaýdaǵy maqsat  – bo­lashaq urpaqty zamanǵa saı bilimdi de bilikti etip qalyptastyrý. Bul mindetti at­qarýda árbir ata-ananyń, qoǵamdyq uıym­dar men jeke tulǵalardyń da atqarar ju­mysy az emes.

Sońǵy jańalyqtar