16 Shilde, 10:21 529 0 Sport Anar LEPESOVA

Golovkın álemdegi úzdik 25 boksshynyń qatarynan shyǵyp qaldy

Boxingscene.com jýrnalısi Klıff Rold salmaq dárejesine qaramastan (P4P) álemniń úzdik boksshylarynyń reıtıng tujyrymdamasyn qaıta qarap shyqty. Ózi tańdaǵan birqatar parametrlerdi paıdalana otyryp, «básekelestik ındeksin» qaıta eseptedi, dep habarlaıdy Sports.kz.

Qaıta esepteýler boıynsha qazaqstandyq boksshy Gennadıı Golovkın (40-1-1, 35 KO) IBF jáne IBO nusqalary boıynsha orta salmaqtaǵy álem chempıony bolǵanyna qaramastan 25 úzdik boksshylar qataryna kire almady.

Reıtıngte ýkraınalyq Vasılıı Lomachenko (14-1, 10 KO) kósh bastap tur. Sondaı-aq úzdik úshtikke Saýl Alvares (53-1-2, 36 KO) jáne Errol Spens (26-0, 21 KO) endi. Alǵashqy ondyqtaǵylar: Naoıa Inoýe, Djoı Teılor, Ken Sıro, Hıroto Kıogýtı, Mıgel Berchelt, Terens Kroýford ı Aleksandr Ýsık. Olardan keıingi úzdik dep tanylǵan boksshylar: Djosh Ýorrıngton, Emanýel Navarrete, Maıkı Garsııa, Hýan Fransısko Estrada, Koseı Tanaka, Srısaket Sor Rýngvısaı, Entonı Djoshýa, Leo Santa Krýs, Taıson Fıýrı, Hose Ramıres, Kallým Smıt, Deonteı Ýaılder, Artýr Beterbıev, Djeıson Rosarıo, Dmıtrıı Bıvol, Teofımo Lopes, Mýrodjon Ahmadalıev.

 

Sońǵy jańalyqtar