15 Shilde, 21:15 441 0 Jahan Anar LEPESOVA

Lokdaýn: Aýstralııalyqtar alty apta boıy úıde otyrady

Avstralııanyń Melbýrn qalasynda sońǵy táýlikte 200-ge jýyq adamnan koronavırýs anyqtaldy. Indettiń órshýine baılanysty el bıligi alty aptalyq lokdaýn engizý týraly sheshim qabyldady.  

Deutsche Welle basylymynyń habarlaýynsha, Melbýrn turǵyndary bir jarym aı boıy úıde otyrmaq. Vıktorııa provınııasynyń premer-mınıstri Denıel Endrıýstiń sózinshe, jaǵdaıdy turaqtandyrýdyń basqa joly joq.

«Koronavırýsqa baılanysty daǵdarys áli bitken joq. Bir táýlikte 191 adamnan koronavırýs anyqtalýy – óte qaýipti kórsetkish. Eshkim mundaı jaǵdaıǵa tap bolamyz dep oılaǵan joq. Qabyldanyp otyrǵan sharalardyń saldarynan úlken zalal keletinin bilemin. Biraq budan basqa amal qalmady», - dedi Endrıýs.

Bes mıllıonnan asa turǵyny bar megapolıstiń barlyq oqýshylary qashyqtan bilim alýǵa kóshedi. Meıramhanalar tek tapsyrysty úıge jetkizý qyzmetin kórsete alady. Vıktorııa shtatynyń shekaralary jabyldy. Aýmaqtaǵy shekteý sharalarynyń saqtalýyn qadaǵalaý úshin polıııa men áskerıler, shekarashylar jáne pılotsyz ushatyn qurylǵylar jumyldyryldy.

Pandemııa bastalǵaly Avstralııada 10,5 myń adam koronavırýs juqtyrǵan. Indetten 111 adam kóz jumdy.

Eske sala keteıik, buǵan deıin Moldovada tótenshe jaǵdaı shildeniń sońyna deıin uzartylǵanyn habarlaǵanbyz.

 

 

 

Sońǵy jańalyqtar