15 Shilde, 10:35 416 0 Jańalyqtar Asyl TUMAR

Karantın kezinde qansha adam jumyssyz qaldy – mınıstr jaýaby

QR Eńbek jáne halyqty áleýmettik qorǵaý mınıstri Birjan Nurymbetov elimizde indet kezinde oryn alǵan jumyssyzdyq problemasyna qatysty pikir bildirdi.

«Bul men úshin de kúrdeli saýal bolyp tur. Óıtkeni, bizdegi jumyssyzdyq deńgeıi men jumyssyzdar sanyn QR Ulttyq ekonomıka mınıstrliginiń statıstıka komıteti qadaǵalap otyrady. Ókinishke qaraı, olar áli resmı derekterdi jarııalaǵan joq. Ekinshi toqsannyń málimetteri 12 tamyzǵa qaraı bolady. Degenmen, biz eńbek naryǵyna baǵdarlanýǵa tıispiz. Ekinshi jaǵynan jumyspen qamtý ortalyqtaryna tirkelý de jumyssyzdyq deńgeıiniń beınesin kórsete alady. Sondyqtan biz ózimiz de baǵalap jatamyz. Ár óńirdiń sanıtar dárigeriniń sheshimin, qandaı kásiporyndar qyzmeti shektelgenin, onda qansha adam jumys istep jatqanyn qaperge alamyz», – dedi mınıstr.

Onyń aıtýynsha, elimizde jumyssyzdyq deńgeıi sáýir aıynda shyrqaý shegine jetken. Sol aıda respýblıkada 4 mln 200 myń adam jumyssyz qalǵan.

«Odan keıin shekteýler alynǵan joq, jumyssyzdyq deńgeıin 1 mln 145 myń adam deńgeıinde baǵaladyq. Maýsymda birshama erkindik bolyp, jumyssyzdar sany shamamen 735 myń adamǵa deıin tómendedi. Shildede shekteý sharalary kúsheıtildi. Shamamen 1 mıllıonǵa jýyq adam jumyssyz qalar dep oıladyq. Qazir karantın jalǵasýda jáne aıdyń sońynda baǵa beremiz», – dedi Birjan Nurymbetov.

Sońǵy jańalyqtar