14 Shilde, 18:57 476 0 Áleýmet Anar LEPESOVA

Qazaqstanda indet saldarynan qansha adam jumyssyz qaldy?

Qazaqstanda jumyssyzdyq deńgeıi sáýir aıynda sharyqtaý shegine jetken. Sol aıda respýblıkada 4 mln 200 myń adam jumyssyz qalǵan. Bul týraly onlaın bırıfıngte Eńbek jáne halyqty áleýmettik qorǵaý mınıstri Birjan Nurymbetov málim etti.  

«Jumyssyzdyq deńgeıin 1 mln 145 myń adam deńgeıinde baǵaladyq. Maýsymda birshama erkindik bolyp, jumyssyzdar sany shamamen 735 myń adamǵa deıin tómendedi. Shildede shekteý sharalary kúsheıtildi. Shamamen 1 mıllıonǵa jýyq adam jumyssyz qalar dep oıladyq. Qazir karantın jalǵasýda jáne aıdyń sońynda baǵa beremiz», –  dedi mınıstr.

B.Nurymbetov Ulttyq ekonomıka mınıstrliginiń statıstıka komıteti resmı derekterdi áli jarııalamaǵanyn atap ótti. Ekinshi toqsannyń málimetteri 12 tamyzǵa qaraı daıyn bolady. Sondyqtan vedomstvo ázirge jumyspen qamtý ortalyqtaryna tirkelgender sanyn esepke ala otyryp jumyssyzdyq deńgeıin baǵalap otyr.

Aıta keteıik, buǵan deıin Eńbek jáne halyqty áleýmettik qorǵaý mınıstri 42 500 teńge áleýmettik tólemdi taǵaıyndaý jumystary qashan bastalatynyn málimdegen.

Birjan Nurymbetovtiń aıtýynsha, tabysynan aırylǵandar azamattarǵa áleýmettik tólemge ótinish berý úshin biryńǵaı jıyntyq tólemdi tóleýdiń qajeti joq.

Sońǵy jańalyqtar