14 Shilde, 19:34 578 0 Atajurt Baqytbek Qadyr

Eýropadaǵy qandastar gýmanıtarlyq kómek joldady

14 shilde kúni Nur-Sultan ýaqytymen saǵat 02:30-da Túrkııa men Eýropadaǵy qandastar birigip uıymdastyrǵan gýmanıtarlyq kómek Qazaqstanǵa jetkizildi. 
Kelgen kómektiń jalpy salmaǵy – 900 kıllogramǵa jýyq. Onyń ishinde medıınalyq zattar (betperde, termometr, qorǵanysh kostıýmderi jáne t.b.) jáne ókpeni jasandy jeldetý qurylǵylary bar. Bul medıınalyq jabdyqtar elimizdegi medıınalyq ortalyqtarǵa úlestirilip beriledi.
Júktiń bir bóligin búgin «Dúnıejúzi qazaqtarynyń qaýymdastyǵy», «Otandastar kory» jáne elimizge Túrkııadan arnaıy kelgen qazaq dıasporasynyń ókilderi Nur-Sultan qalasyndaǵy juqpaly aýrýlar ortalyǵyna tapsyrdy. Gýmanıtarlyq kómektiń qalǵan bóligi Almaty, Shymkent jáne ShQO-daǵy emhanalarǵa jetkiziletin bolady.

«Álemniń qaı tusynda júrse de, atajurt Otanyn umytpaı, qıyn-qystaý ýaqytta elimizge qol ushyn sozyp, birden kómek kórsetken Túrkııadaǵy, Eýropadaǵy qandastarymyzǵa, aǵaıyn-baýyrlarymyzǵa jáne osy júkti jetkizýge atsalysqan barlyq memlekettik mekemelerge alǵysymyzdy bildiremiz. «Dúnıejúzi qazaqtarynyń qaýymdastyǵy» men «Otandastar kory» atynan rızashylyǵymyzdy jetkizemiz», - dedi jýrnalısterge suhbat bergen «Otandastar qory» KEAQ vıe-prezıdenti Maǵaýııa Sarbasov.

Shetelde týyp, ómir súrip jatqanymyzben shettegi ár qazaqtyń arqa súıer otany bar. Ol – Qazaqstan. Atajurtymyzǵa baılanysty kez kelgen jańalyqty kúndelikti kórip, bilip otyrmyz. Álemdi sharpyǵan indet Qazaqstandy da aınalyp ótpegenin kórip, Túrkııadaǵy, Eýropa men búkil álemdegi qazaqtar birden kelisip, qoldan kelgenshe kómektesýge bel býdy. Sonyń nátıjesi, mine, búgin elordaǵa jetken alǵashqy kómek. Endi júkti basqa qalalarǵa da taratyp, barynsha úles qosýǵa tyrysamyz», - dedi Serkan Djınchýk

 

Sońǵy jańalyqtar