14 Shilde, 19:07 516 0 Densaýlyq Baqytbek Qadyr

Túrkııadan Qazaqstanǵa gýmanıtarlyq kómek keldi

11 tonnadan astam medıınalyq preparattar tıelgen alyp ushaq Ankaradan ushyp shyǵyp, ótken túnde elordaǵa qondy.

Qazaqstan úkimetiniń arnaıy jibergen ushaǵy Túrkııa Respýblıkasynan gýmanıtarlyq kómek alyp qaıtty. «Aıdyń nury» qory, Ankara shahary mýnııpalıteti, Qoja Ahmet Iassaýı ýnıversıteti Túrkııa túlekteri birlestigi men osy eldegi qazaq dıasporasynyń jınaǵan kómegi de osy kólikke tıeldi. Júk salmaǵyna kelsek, mysaly bir ǵana túrik úkimetiniń jibergen júginiń quramynda 30 ókpeni jasandy jeldetý apparaty men 2 dana PTR taldaýyna arnalǵan jabdyqpen qosa, 200 myńnan astam medıınalyq preparattar men buıymdar bar. Bul kómek úkimetaralyq ózara túsinistik memorandýmy aıasynda tegin tartý etildi.

Iavýz Selım Kyran, syrtqy ister mınıstriniń orynbasary:

- Qazaqstannyń COVİD-19 indetimen kúresi nátıje beredi dep senemiz. Mamandarǵa kúsh-qýat bersin, naýqastarǵa shıpa bolsyn. Túrkııa árqashan Qazaqstanmen birge. Sondaı-aq bul kómek osy ýaqytqa deıin shetelge jiberilgen eń aýqymdy kómek ekenin aıta ketkim keledi. Gýmanıtarlyq járdem 6 shildede Erdoǵannyń Elbasy Nursultan Nazarbaevpen telefon arqyly sóıleskennen keıin bergen tapsyrmasyna saı uıymdastyrylyp otyr. Túrkııadaǵy qandastarymyz da atajurttaǵy jaǵdaıǵa alańdap, járdem berýge umtyldy. Ony Eýropadaǵy otandastarymyz da qoldap, bir jaǵadan bas, bir jeńnen qol shyǵardy.

Ertolqyn Gaıretýlla, Katead birlestiginiń tóraǵasy:

- Shet elde ómir súrsek te, júregimiz árqashan otan dep soǵady. Qysyltaıań kezeńde bir-birimizge demeý bolý – biz úshin borysh. Bir apta ishinde shamamen 1 tonnaǵa jýyq medıınalyq kómek jınadyq. Ony «Otandastar» qory, qajetti azamattarǵa tarqatady.

Sondaı-aq Qoja Ahmet Iassaýı Ýnıversıteti Túrkııa túlekteri de bilim alǵan elin umytpaı, Qazaqstan elshiligine 28 ottegi konentratyn tabystady.

Murat Demırez, Iassaýı ýnıversıteti túlegi:

- Kenetten kelgen keseldiń keri áseri tórtkúl dúnıege qatty tıdi. Qazaqstannyń nanyn jedik, sýyn ishtik. Kómek kezek bizde. Bul jıhazdardan bólek, Iassaýı Ýnıversıtetin támamdaǵan dárigerlerdi jibersek deımiz. Budan bólek, gýmanıtarlyq kómektiń quramynda «Aıdyń nury» qorynyń 135 dana ottegi konentraty da bar. Apparattar osy reıspen jetkizý úshin arnaıy Ystambuldan Ankaraǵa ákelindi. Osy kategorııa boıynsha:

«Jańaarqa turǵyndary aýrýhanalarǵa bir tonnaǵa jýyq qymyz ben saýmal taratty Elimizde 36 myńǵa jýyq adam koronavırýstan jazylyp shyqty »

Sońǵy jańalyqtar