14 Shilde, 16:56 646 0 Ekonomıka Anar LEPESOVA

Elbasy "Samuryq-Qazyna" qoryna eki medıınalyq ortalyq salýǵa qarjy bólýdi tapsyrdy

Kezdesý barysynda Elbasy aǵymdaǵy ekonomıkalyq daǵdarys "Samuryq-Qazyna "UÁQ" AQ-nyń barlyq kompanııasynda kórinis tapqanyn atap ótti, dep habarlaıdy Elbasy.kz.

A.Esimovtiń aqparatyna sáıkes, Qorǵa baǵynysty kompanııalar toby qyzmetkerlerdiń qysqarýyna jol bermedi. Barlyq kásiporyn jumysyn jalǵastyryp kele jatyr. Sonymen qatar "Samuryq-Qazyna "UÁQ" AQ Basqarma Tóraǵasy otandyq densaýlyq saqtaý júıesin qoldaý boıynsha júrgizilip jatqan jumystar týraly baıandady.

Qazaqstannyń Tuńǵysh Prezıdenti N.Nazarbaev "Samuryq-Qazyna" UÁQ" AQ-nyń koronavırýstyq ınfekııamen kúresý úderisine qatysý sharalaryn keńeıtý qajettigin atap ótti.

– Qordy basqarý jónindegi keńestiń Tóraǵasy retinde "Samuryq-Qazyna" qorynyń ishki rezervinen iri megapolıster – Nur-Sultan jáne Almaty qalalarynda eki medıınalyq ortalyq salýǵa qarajat bólýdi tapsyramyn. Bul medıınalyq ortalyqtar ǵylymı-zertteý áleýetin shoǵyrlandyrýǵa arnalady. Ol elimizdiń keleshek urpaqtaryn yqtımal qaýipterden qorǵaýǵa múmkindik beredi. Úkimet pen ákimder bul bastamany qoldaıtynyna senimdimin, – dedi Elbasy Nursultan Nazarbaev.

Sóz sońynda Qazaqstannyń Tuńǵysh Prezıdenti koronavırýstyq ınfekııadan qaza tapqandardyń otbasylaryna kóńil aıtty jáne qazaqstandyqtardy barlyq qajetti qaýipsizdik sharalaryn qatań saqtaýǵa shaqyrdy.

Sońǵy jańalyqtar